جاڭالىقتار
الماتىداعى مۇز سارايىنان ءورت شىقتى: 3 بالا اۋرۋحاناعا جەتكىزىلدى
فوتو: اشىق دەرەككوز
گاز-تۇتىننەن قورعاۋ قىزمەتىنىڭ بۋىندارىمەن بارلاۋ جانە ءورتتى ءسوندىرۋ بارىسىندا قۇتقارۋ قالپاقتارىنىڭ كومەگىمەن ءتورت كامەلەتكە تولماعان بالا قۇتقارىلدى.
ءورت سوندىرۋشىلەر الماتى قالاسىنىڭ مۇز سارايىنداعى ءورتتى ءسوندىردى, دەپ حابارلايدى qandastar.kz اقپارات پورتالى.
الماتى قالاسىنداعى جابىق مۇز ايدىنىنىڭ كىشى زالىنىڭ ءبىرىنشى قاباتىندا سپورتتىق ينۆەنتاردىڭ ورتەنۋى ورىن الدى.
ءورت ءسوندىرۋ بولىمشەلەرى كەلگەنگە دەيىن كەلۋشىلەر مەن قىزمەتكەرلەر عيماراتتان شىعىپ كەتكەن.
گاز-تۇتىننەن قورعاۋ قىزمەتىنىڭ بۋىندارىمەن بارلاۋ جانە ءورتتى ءسوندىرۋ بارىسىندا قۇتقارۋ قالپاقتارىنىڭ كومەگىمەن ءتورت كامەلەتكە تولماعان بالا قۇتقارىلدى.
ۇلكەن ءورت جۇكتەمەسىنە قاراماستان, ءورت سوندىرۋشىلەر ءورتتىڭ ىرگەلەس ورىن-جايلارعا تارالۋىنا جول بەرمەي ونى 40 شارشى مەتر اۋماقتا ءسوندىردى.
وقيعا ورنىندا تجد پسيحولوگى 1 بالاعا شۇعىل پسيحولوگيالىق كومەك كورسەتتى جانە 3 بالانى تجم اپاتتار مەديتسيناسى ورتالىعىنىڭ بريگاداسى اۋرۋحاناعا جەتكىزدى.
ءورتتىڭ سەبەبىن انىقتاۋ ءۇشىن ءورت ورنىندا سىناق ءورت زەرتتەۋ زەرتحاناسى جۇمىس ىستەۋدە.
