Jańalyqtar

Almatylyq áıel kúıeýin týǵan qyzyn zorlady dep aıyptady

15.02.2025

0 71

Foto: ashyq derekkóz

Almatylyq 42 jastaǵy azamatty áıeli týǵan qyzyn zorlady dep aıyptady, dep habarlaıdy qandastar.kz.

Bul oqıǵa týraly telejúrgizýshi Rýslan О́tepbaı áleýmettik jelidegi paraqshasyna

«Kúni keshe sumdyq oqıǵaǵa kýá boldym. Almaty qalasynyń turǵyny kómekke júgindi. Aıtýynsha kúıeýi 12 jastaǵy týǵan qyzyn bir jyldan beri zorlap kelgen. «Aqyl-esi túzý, aýzyna araq alyp kórmegen joldasymnan mundaı azǵyndyqty kútpedim» deıdi áıel. Kelinshekten jaýap alǵan soń, kúdikke ilingen azamattyń ata-anasynan, baýyrynan suhbat aldym. 42 jastaǵy azamattyń anasy nemerem ákesine jala jaýyp otyr deıdi.

Júregim tilinip, eki kózim tórt bolyp shyqtym. Tolyq shyǵarylymdy taıaý kúnderi youtube arnama júkteımin. Ul-qyzdarymyzǵa óte abaı bolaıyqshy!», — dep jazdy jýrnalıst.

Al qyzdyń anasy kúıeýiniń bulaı azǵyndyq isteýine áriptesiniń keńesi áser eteýi múmkin ekenin aıtyp otyr.

«Týǵan ákesi týǵan qyzyn bir jyldan asa zorlap kelgen. Aptasyna shamamen bir retten bolyp kelgen, úıde bolǵan. Ol kezde men jumysta bolǵanmyn. Estigen kezde sener senbesimdi bilmeı ózim de shokta boldym. Bir jerde jumys istegen. Sol jerdegi bir orys kisi qyzyńdy turmysqa bermeı turyp, óziń qyzdyǵyn alýyń kerek dep aıtypty», — deıdi qyzdyń anasy.

Osy oqıǵaǵa qatysty kúdikke ilingen azamattyń ata-anasy bolsa, perzentin jaqtap otyr.

«Qaıyrly kesh, ardaqty aǵaıyn. Dál qazir men óziniń týǵan qyzyn zorlady dep kúdikke ilingen er azamattyń ata-anasy jáne týǵan ápkesimen suhbattasyp kele jatyrmyn. Bizdiń kishkentaı nemeremiz syrttan, kósheden búlingen deıdi. Búlingennen keıin sheshesi men nemerem dál osylaı ulyma jala jaýyp otyr dep jatyr. Bilmeımin endi, ishpeıdi, shekpeıdi jáne turaqty jumysy bar. Eń bastysy, aqyl-esi durys, saý adam dál osyndaı azǵyndyqqa bara ma? Al, eger osyndaı azǵyndyqqa barsa, ol adam saý ma jalpy?», — deıdi Rýslan О́tepbaı Instagram-da.

Ilmekter