الماتىلىق عالىم مۇناي شىعاراتىن قۇرىلعى ويلاپ تاپقان

وتاندىق عالىمداردىڭ ىزدەنىسى جىل سايىن وندىرىسكە سەرپىن بەرىپ كەلەدى. ماسەلەن, 2016 جىلدان بەرى ۇلتتىق عىلىمي كەڭەستىڭ شەشىمىمەن 289 جوبا ىسكە اسىرىلىپ, 149 ءوندىرىس ورنى قۇرىلعان. ونىڭ ىشىندە 16 جوبا شەتەلگە شىققان. عىلىم كوميتەتتىڭ مالىمەتىنشە, عىلىمدا ايەلدەردىڭ ۇلەسى 50 پايىزدان اسادى. اراسىندا اۋىر تەحنيكا سالاسىنا قىزىعاتىن نازىك جاندىلار كوپ.

سولاردىڭ ءبىرى — اياۋلىم باعداتقىزى. ەكى جىل بۇرىن جاس عالىمدار اراسىندا وتكەن عىلىمي جوباعا قاتىسىپ, گرانت ۇتىپ العان. ناتيجەسىندە مۇناي وندىرۋگە قاجەت قۇرىلعىنى جاساعان. ەندى ونىڭ وندىرىستە ىسكە اسۋىن كۇتىپ ءجۇر.

اياۋلىم باعداتقىزى, ءو.جولداسبەكوۆ اتىنداعى مەحانيكا جانە ماشيناتانۋ ينستيتۋتىنىڭ جەتەكشى عىلىمي قىزمەتكەرى:

بىرەۋى وندىرىستىك ءتۇرى جاسالدى, ەكەۋى ماكەت تۇرىندە جاسالدى, ونى ستانوك-كاچالكا دەيدى, مۇناي گاز ءوندىرىس سالاسىندا قولدانادى. بۇلاردىڭ ەرەكشەلىگى مەحانيزم ءوزى قىزمەتىن اتقارا بەرەدى, سونىڭ ەسەبىنەن بىزدە مەتالل سىيىمدىلىعى ازايادى. مەتالل سىيىمدىلىعى ازايعاننان كەيىن ونىڭ ەلەكتر ەنەرگياسىن تۇتىنۋى دا ازايادى. مىسالى مۇناي گاز سالاسىندا ستانوك-كاچالكا كوپ ەكسپلۋاتاتسيا جاسالىپ, رەمونت جاسايدى ولاردىڭ ءبارى كوپ شىعىنعا كەلەدى. ال ءبىزدىڭ ستانوك-كاچالكادا مەتالل سىيىمدىلىعى تومەن بولعاندىقتان ءسال بولسا دا شىعىنى ازايعان