Almatylyq ǵalym munaı shyǵaratyn qurylǵy oılap tapqan

Otandyq ǵalymdardyń izdenisi jyl saıyn óndiriske serpin berip keledi. Máselen, 2016 jyldan beri Ulttyq ǵylymı keńestiń sheshimimen 289 joba iske asyrylyp, 149 óndiris orny qurylǵan. Onyń ishinde 16 joba shetelge shyqqan. Ǵylym komıtettiń málimetinshe, ǵylymda áıelderdiń úlesi 50 paıyzdan asady. Arasynda aýyr tehnıka salasyna qyzyǵatyn názik jandylar kóp.

Solardyń biri — Aıaýlym Baǵdatqyzy. Eki jyl buryn jas ǵalymdar arasynda ótken ǵylymı jobaǵa qatysyp, grant utyp alǵan. Nátıjesinde munaı óndirýge qajet qurylǵyny jasaǵan. Endi onyń óndiriste iske asýyn kútip júr.

Aıaýlym Baǵdatqyzy, О́.Joldasbekov atyndaǵy mehanıka jáne mashınataný ınstıtýtynyń jetekshi ǵylymı qyzmetkeri:

Bireýi óndiristik túri jasaldy, ekeýi maket túrinde jasaldy, ony stanok-kachalka deıdi, munaı gaz óndiris salasynda qoldanady. Bulardyń ereksheligi mehanızm ózi qyzmetin atqara beredi, sonyń esebinen bizde metall syıymdylyǵy azaıady. Metall syıymdylyǵy azaıǵannan keıin onyń elektr energııasyn tutynýy da azaıady. Mysaly munaı gaz salasynda stanok-kachalka kóp eksplýataııa jasalyp, remont jasaıdy olardyń bári kóp shyǵynǵa keledi. Al bizdiń stanok-kachalkada metall syıymdylyǵy tómen bolǵandyqtan sál bolsa da shyǵyny azaıǵan