الماتىلىق قۇتقارۋشىلارعا العىس ايتىلدى

الماتىدان اقتوبە وبلىسىنا كومەككە كەلگەن رەسپۋبليكالىق جەدەل قۇتقارۋ جاساعى ءوز جۇمىسىن اياقتادى, قۇتقارۋشىلار ويىل اۋدانىنىڭ قاراتال اۋىلىندا تۇرعىنداردى قاۋىپسىز جەرگە كوشىرۋمەن اينالىستى. جۇزدەگەن ادامدى مەكتەپ عيماراتىنا ەۆاكۋاتسيالاسا, 120 تۇرعىندى اۋىل شەتىنە قونعان تىكۇشاققا جەتكىزۋگە كومەكتەستى. قاجەتتى قۇرال-سايمانىمەن كەلگەن 20 قۇتقارۋشىعا وبلىس باسشىلىعى اتقارعان قىزمەتى ءۇشىن العىسىن جەتكىزدى. بۇل جاساق ەندى كورشىلەس باتىس قازاقستان وڭىرىندەگى سۋ تاسقىنىنا قارسى ءىس-شارالارعا قاتىسادى.

ايتا كەتەيىك, بۇعان دەيىن ماڭعىستاۋلىق قۇتقارۋشىلار دا اقتوبە وبلىسىنا كومەككە كەلگەن ەدى. ءادىلحان بالتاباي, رەسپۋبليكالىق جەدەل قۇتقارۋ جاساعىنىڭ باس قۇتقارۋشىسى: — قاراتال اۋىلىندا ءبىزدىڭ جاساقپەن 126 ادام شىعارىلدى. سونىڭ 36-سى بالالار بولدى. ولاردى موتورلى قايىقپەن قاۋىپسىز ايماققا اكەپ تىكۇشاقتارعا وتىرعىزدى. ويىل اۋىلىنا جەتكىزىلدى. جۇمىستىڭ بارىسىندا قيىنداۋ بولعانى, اعىسى قاتتى سۋدىڭ كەلىپ جاتقانى. بىراق وعان قاراماستان قويىلعان جۇمىس اتقارىلدى.