ALMATYLYQ QUTQARÝShYLARǴA ALǴYS AITYLDY

Almatydan Aqtóbe oblysyna kómekke kelgen respýblıkalyq jedel qutqarý jasaǵy óz jumysyn aıaqtady, Qutqarýshylar Oıyl aýdanynyń Qaratal aýylynda turǵyndardy qaýipsiz jerge kóshirýmen aınalysty. Júzdegen adamdy mektep ǵımaratyna evakýaııalasa, 120 turǵyndy aýyl shetine qonǵan tikushaqqa jetkizýge kómektesti. Qajetti qural-saımanymen kelgen 20 qutqarýshyǵa oblys basshylyǵy atqarǵan qyzmeti úshin alǵysyn jetkizdi. Bul jasaq endi kórshiles Batys Qazaqstan óńirindegi sý tasqynyna qarsy is-sharalarǵa qatysady.

Aıta keteıik, buǵan deıin mańǵystaýlyq qutqarýshylar da Aqtóbe oblysyna kómekke kelgen edi. Ádilhan Baltabaı, Respýblıkalyq jedel qutqarý jasaǵynyń bas qutqarýshysy: — Qaratal aýylynda bizdiń jasaqpen 126 adam shyǵaryldy. Sonyń 36-sy balalar boldy. Olardy motorly qaıyqpen qaýipsiz aımaqqa ákep tikushaqtarǵa otyrǵyzdy. Oıyl aýylyna jetkizildi. Jumystyń barysynda qıyndaý bolǵany, aǵysy qatty sýdyń kelip jatqany. Biraq oǵan qaramastan qoıylǵan jumys atqaryldy.