الماتىلىقتار قابىلداۋعا جەكە باس ماسەلەسىمەن عانا كەلمەيدى – ساعىنتاەۆ

الماتى تۇرعىندارى «Nur Otan» پارتياسىنىڭ قوعامدىق قابىلداۋىنا باپانا, جەر, كوممۋنالدىق ماسەلەلەرگە قاتىستى ءوز پروبلەمالارىن شەشۋ ءۇشىن عانا كەلمەيدى. كوپتەگەن جاندار جاقسى يدەيالارىن ۇسىنادى. بۇل تۋرالى قالا اكىمى باقىتجان ساعىنتاەۆ Facebook-تەگى پاراقشاسىندا جازدى, دەپ حابارلايدى قازاقپارات ءتىلشىسى.

«قابىلداۋعا كەلگەندەردىڭ اراسىندا مۇمكىندىگى شەكتەۋلى جانداردىڭ ماسەلەلەرىمەن اينالىساتىن ارنۇر ىسقاقوۆ پەن نۇرگۇل سەيىتبەكوۆا بولدى. ولاردىڭ «بەلسەندى ءومىر» فورۋمىن وتكىزۋ جانە ىڭعايلى كيىمدەر تىگۋ جونىندەگى الەۋمەتتىك ماڭىزى بار جوبانى جۇزەگە اسىرۋ ۇسىنىسىن قولدايمىز», – دەپ جازدى الماتى اكىمى.

ونىڭ ايتۋىنشا, قولجەتىمدى ورتانى قامتاماسىز ەتۋ – «Nur Otan» پارتياسى قالالىق فيليالىنىڭ باقىلاۋىندا تۇرعان ماڭىزدى ماسەلەلەردىڭ ءبىرى.

«اپپاراتتىق جيىندا «كەدەرگىسىز كەلەشەك» پارتيالىق جوبا تۋرالى اقپاراتتى تىڭدادىق. مۇمكىندىگى شەكتەۋلى جاندارعا قولجەتىمدى ورتانى قالىپتاستىراتىن ءارى مەملەكەتتىك قىزمەتتى كورسەتەتىن 20 ۇيىمنىڭ جۇمىستارىندا كەمشىلىكتەر بار. شەشىم قابىلداندى: پارتيانىڭ قالالىق فيليالىنىڭ كەلەسى وتىرىسىندا اتالعان وبەكتىلەر باسشىلارى كورسەتىلگەن پروبلەمالاردىڭ قالاي شەشىلىپ جاتقانىن باياندايتىن بولادى», – دەپ قورتىندىلادى باقىتجان ساعىنتاەۆ.