Almatylyqtar shyńǵa shyqty

Almatyda 300 adam shyńǵa shyqty. Sharaǵa qatysýshylar «28 gvardııashy-panfılovshylar» atyndaǵy shyńǵa jetý úshin 15 shaqyrym joldy jaıaý júrip ótti. Ile Alataýynyń bıik núkteleriniń biri teńiz deńgeıinen 4120 metr bıikte ornalasqan. Dástúrge aınalǵan alpınıada bıyl Jeńis kúnine arnaldy. Ári ol týrızmdi damytýdy kózdeıdi. Qajetti zattaryn artynyp-tartynǵan alpınıster tańsáriden jolǵa shyqty. Negizgi baǵyt «Medeý» muz aıdynynan bastaldy. Olardyń qaýipsizdigin qamtamasyz etý úshin qalalyq qutqarý jáne jedel-járdem qyzmeti kezekshilik uıymdastyrdy. Ásem Elemesova, qala turǵyny: – Byltyr qatystym. Arnaıy daıyndyq joq, biraq apta saıyn taýǵa shyǵamyn. Negizi taýǵa shyqqandy jaqsy kóremin. Medıtaııa sııaqty.