الماتىلىقتى ءوز كولىگى باسىپ, قايتىس بولدى

قايعىلى وقيعا مۇستافا شوقاي كوشەسى ماڭىنداعى تار جولداردىڭ بىرىندە بولعان. جەرگىلىكتى تۇرعىن كولىكپەن ۇيىنە قايتىپ بارا جاتقان, ال سالوندا ۇيىقتاپ جاتقان بەس جاسار بالاسى دا بولعان.

جۇك تيەلگەن گازەل تومەن ىلديلاپ قويا بەرمەسى ءۇشىن جۇرگىزۋشى تەجەگىش تارتقىشىن تارتىپ, كولىكتەن تۇسەدى. ءسويتىپ ارتقى دوڭگەلەكتەردىڭ استىنا بىردەڭە قويماق بولعاندا ول ۇلگەرمەي قالادى. كولىك ارتقا ءجۇرىپ كەتىپ, يەسىن باسادى. بۇل كەزدە كەلەسى كولىك بۇرىلماق بولعاندا, ءبىر جاعىنا قاراي اۋدارىلىپ قالا جازدايدى.

وقيعا كۋاگەرلەرى دارىگەرلەردى شاقىرىپ, بالانى سالوننان الىپ شىققان. وكىنىشكە قاراي, 1988 جىلعى ەر ادام ومىرگە سايكەس كەلمەيتىن العان جاراقاتى سالدارىنان جەدەل جاردەم كولىگى كەلگەنگە دەيىن وقيعا ورنىندا جان تاپسىردى.

قازىر جول اپاتى ورنىندا جول پوليتسياسىنىڭ قىزمەتكەرلەرى جۇمىس ىستەپ جاتىر.

«تىككە, بيىككە قاراي كوتەرىلۋ كەزىندە ۇيىنە بىرنەشە ونداعان مەتر جەتپەي, ونىڭ الدىنان وزگە كولىك شىعادى. جول تار بولعاندىقتان, قوس كولىكتىڭ قاتار ءوتۋى قيىن, سوندىقتان ەر ادام توقتاپ, كەلە جاتقان كولىككە جول بەرمەكشى بولادى», — دەيدى Zakon.kz ءتىلشىسى وقيعا ورنىنان.