الماتىنىڭ بىرنەشە كوشەسىندە جولدار جابىلادى

30-31 تامىز كۇندەرى Tour of Almaty-2019 ۆەلوجارىسىنىڭ وتۋىنە بايلانىستى بىرنەشە كوشەدە كولىك قوزعالىسى شەكتەلەدى, دەپ حابارلايدى قازاقپارات قازاقستان ۆەلوسپورت فەدەراتسياسىنا سىلتەمە جاساپ. 30-31 تامىز كۇندەرى الاتاۋ باۋرايىندا Tour of Almaty-2019 كاسىبي ۆەلوجارىسى وتەدى. ەكى جىل بۇرىن جارىس كوپكۇندىك مارتەبەسىن العان بولاتىن. «جىل سايىن جارىستىڭ تىكەلەي كورسەتىلىمىن «Eurosport» تەلەارناسى ارقىلى الەمنىڭ 47 ەلىندە  كورەرمەندەر تاماشالايدى. Tour of Almaty-2019 ۇيىمداستىرۋشىلارى قالا تۇرعىندارىنىڭ تىلەكتەرىن بويىنشا جارىستىڭ العاشقى كەزەڭىنىڭ باعىتىن وزگەرتىپ, قالانىڭ كولىك قوزعالىسى كوپ ورتالىق كوشەلەرىمەن جۇرمەيتىن بولدى.  ال 31 تامىزدا جولدار شاباندوزدار ءجۇرىپ وتكەنشە عانا جابىلادى. پەلوتون بەلگىلى ءبىر كوشەنى ءجۇرىپ وتكەننەن كەيىن بىردەن قوزعالىس قايتا جانداناتىن بولادى», – دەلىنگەن اقپاراتتا. ال  العاشقى كەزەڭ «يندۋستريالدى پارك» اۋماعىندا وتەدى. ۇيىمداستىرۋشىلار بۇل قالاداعى قوزعالىستىڭ شەكتەلۋىن بارىنشا تومەندەتەدى دەپ وتىر. 30 تامىز جارىس ساعات 12:00-دە «الماتى ارەنادان» باستالادى. شاباندوزدار سولتۇستىك باعىتتا مومىش ۇلى كوشەسىمەن, ەكو-بەكەتكە دەيىن بارادى. ول جەردە كولىك قوزعالىسى 11:45-تەن 12:15-كە دەيىن شەكتەلەدى. كەيىننەن پەلوتون بۇرىلىپ, «يندۋستريالدى پارك» اۋماعىنا كىرەدى. ول جەردە 7 اينالىم جاساپ, شامامەن ساعات 15:00-گە دەيىن بولادى.سوڭعى اينالىم اياقتالعاننان كەيىن ۆەلەسەبەدشىلەر مومىش ۇلى, موڭكە بي,  ۋنيۆەرسيادا كوشەلەرىمەن «الماتى ارەناعا» قايتا ورالادى. اتالعان كوشەلەردە كولىك قوزعالىسى 14:15-15:15 ۋاقىت ارالىعىندا شەكتەلەدى. جۇرگىزۋشىلەرگە  سولتۇستىك اينالما جولمەن جۇرۋگە كەڭەس بەرەدى. 31-تامىز كۇنى ساعات 11:00-دەن 15:30-عا دەيىن وتەدى. دودا «حالىق ارەنانىڭ» تالعار تراكتىسى جاعىنان باستالادى. بۇل اۋداندا ۋاقىتشا اۆتوكولىك قوزعالىسى 10:45-11:05 ارالىعىندا شەكتەلەدى. ودان ءارى جارىس حاليۋللين كوشەسى,  شىعىس اينالما جولى,  ءال-فارابي داڭعىلى ارقىلى ءوربيدى.  فينالدىق كەزەڭ پرەزيدەنتتىك ساياباق پەن «مەدەۋ» مۇز ايدىنى اراسىندا وتەدى. كولىك قوزعالىسى 11:15-15:30 ارالىعىندا شەكتەلەدى. قالا تۇرعىندارى مەن قوناقتارىنا وسى ۋاقىت ارالىعىندا قۇلجا تراكتىسى, نازارباەۆ داڭعىلى, سەيفۋللين داڭعىلى جانە جاروكوۆ كوشەلەرىمەن جۇرۋگە كەڭەس بەرەدى. ەسكە سالساق, Tour of Almaty-2019 جارىسىنىڭ كورەرمەندەرىن اۆتوبۋس تەگىن تاسىمالداماق. تەگىن اۆتوبۋستار تاڭعى ساعات 10:00-دەن باستاپ دوستىق جانە قۇرمانعازى كوشەلەرىنىڭ قيىلىسىندا تۇرادى. سوڭعى اۆتوبۋس ساعات 12:00-دە جولعا شىعادى. اۆتوبۋستار 30 مينۋت سايىن نەمەسە ادام تولعان ساتتە جولعا شىعاتىن بولادى. تەگىن اۆتوۋبستاردى شاناعىنا جاپسىرىلعان «Tour of Almaty» لوگوتيپى ارقىلى اجىراۋتعا بولادى. ال كەشكىسىن 16:30-دان باستاپ شاتتل-باستار كورەرمەندەردى مەدەۋدەن قالاعا تاسىمالدايدى. جارىس كۇندەرى دوستىق داڭعىلىنىڭ مەدەۋگە اپاراتىن تۇسىنا اۆتوكولىك قويۋعا تىيىم سالىنعان. سول سەبەپتى جەكە كولىكتى مەدەۋدىڭ بازالىق ستانساسىنا قالدىرعان ءجون.

دەرەككوز: https://24.kz/