Almatynyń birneshe kóshesinde joldar jabylady

30-31 tamyz kúnderi Tour of Almaty-2019 velojarysynyń ótýine baılanysty birneshe kóshede kólik qozǵalysy shekteledi, dep habarlaıdy QazAqparat Qazaqstan velosport federaııasyna silteme jasap. 30-31 tamyz kúnderi Alataý baýraıynda Tour of Almaty-2019 kásibı velojarysy ótedi. Eki jyl buryn jarys kópkúndik mártebesin alǵan bolatyn. «Jyl saıyn jarystyń tikeleı kórsetilimin «Eurosport» telearnasy arqyly álemniń 47 elinde  kórermender tamashalaıdy. Tour of Almaty-2019 uıymdastyrýshylary qala turǵyndarynyń tilekterin boıynsha jarystyń alǵashqy kezeńiniń baǵytyn ózgertip, qalanyń kólik qozǵalysy kóp ortalyq kóshelerimen júrmeıtin boldy.  Al 31 tamyzda joldar shabandozdar júrip ótkenshe ǵana jabylady. Peloton belgili bir kósheni júrip ótkennen keıin birden qozǵalys qaıta jandanatyn bolady», – delingen aqparatta. Al  alǵashqy kezeń «Indýstrıaldy park» aýmaǵynda ótedi. Uıymdastyrýshylar bul qaladaǵy qozǵalystyń shektelýin barynsha tómendetedi dep otyr. 30 tamyz jarys saǵat 12:00-de «Almaty Arenadan» bastalady. Shabandozdar soltústik baǵytta Momyshuly kóshesimen, eko-beketke deıin barady. Ol jerde kólik qozǵalysy 11:45-ten 12:15-ke deıin shekteledi. Keıinnen peloton burylyp, «Indýstrıaldy park» aýmaǵyna kiredi. Ol jerde 7 aınalym jasap, shamamen saǵat 15:00-ge deıin bolady.Sońǵy aınalym aıaqtalǵannan keıin velesebedshiler Momyshuly, Móńke bı,  Ýnıversıada kóshelerimen «Almaty Arenaǵa» qaıta oralady. Atalǵan kóshelerde kólik qozǵalysy 14:15-15:15 ýaqyt aralyǵynda shekteledi. Júrgizýshilerge  Soltústik aınalma jolmen júrýge keńes beredi. 31-tamyz kúni saǵat 11:00-den 15:30-ǵa deıin ótedi. Doda «Halyq Arenanyń» Talǵar traktisi jaǵynan bastalady. Bul aýdanda ýaqytsha avtokólik qozǵalysy 10:45-11:05 aralyǵynda shekteledi. Odan ári jarys Halıýllın kóshesi,  Shyǵys aınalma joly,  Ál-Farabı dańǵyly arqyly órbıdi.  Fınaldyq kezeń Prezıdenttik saıabaq pen «Medeý» muz aıdyny arasynda ótedi. Kólik qozǵalysy 11:15-15:30 aralyǵynda shekteledi. Qala turǵyndary men qonaqtaryna osy ýaqyt aralyǵynda Qulja traktisi, Nazarbaev dańǵyly, Seıfýllın dańǵyly jáne Jarokov kóshelerimen júrýge keńes beredi. Eske salsaq, Tour of Almaty-2019 jarysynyń kórermenderin avtobýs tegin tasymaldamaq. Tegin avtobýstar tańǵy saǵat 10:00-den bastap Dostyq jáne Qurmanǵazy kósheleriniń qıylysynda turady. Sońǵy avtobýs saǵat 12:00-de jolǵa shyǵady. Avtobýstar 30 mınýt saıyn nemese adam tolǵan sátte jolǵa shyǵatyn bolady. Tegin avtoýbstardy shanaǵyna japsyrylǵan «Tour of Almaty» logotıpi arqyly ajyraýtǵa bolady. Al keshkisin 16:30-dan bastap shattl-bastar kórermenderdi Medeýden qalaǵa tasymaldaıdy. Jarys kúnderi Dostyq dańǵylynyń Medeýge aparatyn tusyna avtokólik qoıýǵa tyıym salynǵan. Sol sebepti jeke kólikti Medeýdiń bazalyq stansasyna qaldyrǵan jón.

Derekkóz: https://24.kz/