«Alty aı ǵana ómiriń qaldy dedi»: Paralımpıada chempıony Aqmaral Naýatbek kútpegen málimdeme jasady (VIDEO)

Parıjdegi Paralımpıada oıyndary aldynda qazaqstandyq sportshyǵa dárigerler densaýlyǵyn qatań baqylaýǵa almasa, alty aıdan artyq ómir súrmeıdi dep eskertken, dep habarlaıdy Qandastar aqparat portaly.
Bul týraly sportshy Zamandas youtube-arnasyna bergen suhbatynda aıtty.

Aýyr boljamǵa qaramastan, ol jattyǵýyn toqtatpaı, nátıjesinde altyn medal jeńip aldy.

Naýatbektiń aıtýynsha, jarys aldyndaǵy kezeńde ol Túrkııada emdelgen. Sol jerde dáriger onyń saraptamalaryn kórip, qatty tańǵalǵan. Qanyndaǵy qant mólsheri úsh-tórt aı boıy 30-dan tómen túspegen. Dáriger 25 jyldyq tájirıbesinde mundaı jaǵdaıdy alǵash ret kórip otyrǵanyn aıtypty: ádette mundaı naýqastar ne komaǵa túsedi, ne kóz jumady. Ol Aqmaraldyń osyndaı jaǵdaıda da jattyǵýyn jalǵastyryp júrgenine senbegen.

Aqmaralǵa 1 tıpti qant dıabeti dıagnozy qoıylǵan. Dárigerdiń sózinen keıin onyń aınalasyndaǵy adamdar Paralımpıadaǵa qatysý úmitin úzgen. Sportshynyń aıtýynsha, anasy: «Alty aı ómir qaldy, endi qandaı Olımpıada?» — degen. Soǵan qaramastan, Aqmaral óz armanyna senip, tatamıge shyǵatynyna kúmán keltirmegen.

Olımpıada chempıony bul oqıǵasyn Zamandas YouTube arnasyna bergen podkastta baıandap berdi.