«التىن وردا» بازارىنىڭ ەكس-باسشىلارىنا قايتا ىزدەۋ جاريالاندى

اراعا ەكى جىل سالىپ, الماتى ماڭىنداعى «التىن وردا» بازارىنىڭ بۇرىنعى باسشىلىعىنا حالىقارالىق ىزدەۋ قايتا جاريالاندى, دەپ حابارلادى Qandastar.kz سايتى Kazinform اگەنتتىگىنە سىلتەمە جاساپ.

بۇل تۋرالى اقپارات قۇقىقتىق ستاتيستيكا جانە ارنايى ەسەپكە الۋ ورگاندارى پورتالىندا شىقتى.

المابەك قانات پەن دانيار اپدىعاپاروۆتى الماتى وبلىسى قاراساي اۋدانىنىڭ كريمينالدىق پوليتسيا ءبولىمى ىزدەپ جاتىر.

ەسكە سالايىق, بۇعان دەيىن 2023 جىلى دانيار اپدىعاپاروۆقا 1982 جىلى تۋعان, جۇمادين پاتوۆقا, 1982 جىلى تۋعان, قانات جاقاەۆقا, 1984 جىلى تۋعان, سونىمەن قاتار ايدوس نۇرقاليەۆقا, 1986 جىلى تۋعان قىلمىستىق كودەكستىڭ 190-بابى بويىنشا حالىقارالىق ىزدەۋ جاريالانعان بولاتىن.

بۇدان بولەك, الماتى وبلىسىندا «التىن وردا» بازارىنىڭ بۇرىنعى اتقارۋشى ديرەكتورى ەرمەك مارقاباەۆ 4 جىلعا سوتتالعان بولاتىن. وعان اسا ءىرى مولشەردە ەسiرتكi, پسيحوتروپتىق زاتتاردى, سول تەكتەستەردى وتكىزۋ ماقساتىنسىز زاڭسىز ساقتاپ, تاسىمالدادى دەگەن ايىپ تاعىلدى.