«Altyn Orda jáne onyń muragerleriniń arabjazýly epıgrafıkasy» taqyrybynda halyqaralyq ǵylymı semınar ótedi

Qazaqstan Respýblıkasy Ǵylym jáne joǵary bilim mınıstrligi Ǵylym komıtetiniń R. B. Súleımenov atyndaǵy Shyǵystaný ınstıtýty jáne Islam Yntymaqtastyǵy Uıymy (OIC) janyndaǵy Islam tarıhy, óneri men mádenıetin zertteý ortalyǵy (IRCICA), Aqtóbe oblysynyń mádenıet, arhıvter jáne qujattama basqarmasy birlesip, 2024 jylǵy 18 qyrkúıekte «Altyn Orda jáne onyń muragerleriniń arabjazýly epıgrafıkasy» taqyrybynda halyqaralyq ǵylymı semınar ótkizedi.

Bul halyqaralyq ǵylymı semınar «Altyn Ordadan keıingi qoǵamnyń dástúri men mádenıetindegi sabaqtastyq pen ózgerister (Batys Qazaqstan, Edil-Oral, Daǵystan, Horezm aımaqtaryndaǵy epıgrafıkalyq eskertkishterdi salystyrmaly zertteý)» jobasyn júzege asyrýdyń negizgi bir is-sharasy bolyp tabylady.

Semınar barysynda kelesi taqyryptar talqylanady:

1. Altyn Orda órkenıeti ornalasqan tarıhı aımaqtardyń epıgrafıkasy: jańa oljalar jáne olardyń ınterpretaııasy;

2. Qazaqstannyń epıgrafıkalyq eskertkishterin kórshiles memleketterdegi arabjazýly jádigerlermen salǵastyrmaly-salystyrmaly zertteý;
3. Altyn Orda órkenıeti tarıhı aımaqtarynyń damýy jáne mádenı dástúrlerdiń turaqty túrleriniń qalyptasýy.

Semınardyń jumysy qazaq, orys, aǵylshyn tilderinde júrgiziledi.
Semınar jumysy barysynda jaryq kórgen kitaptardyń tanystyrylymy bolady:

1. Aqtóbe oblysy ákimdiginiń tapsyrysy boıynsha shyǵarylǵan Múmınov Á.Q., Dúısenov B.D. «Abat-Baıtaq» qorymynyń arabjazýly epıgrafıkalyq eskertkishteri. Kitap-albom / Múmınov Á.Q., Dúısenov B.D.; Allen Frank (aǵylshyn tili redaktory, AQSh) jáne U.A. О́tepbergenovanyń (kórsetkishterdi qurastyrýshy, Qazaqstan) qatysýymen. – Almaty: Altyn paraq, 2023. – 496 b. + «Abat-Baıtaq» qorymy fılminiń dıskisi.
2. Máshhúr Júsip Kópeıuly. «Rısala-ıı janaıız (Janaza kitaby)» / Baspaǵa daıyndaǵandar: H.I. Nazırov, Ǵ.B. Ysqaqov. Jaýapty redaktory: Á.Q. Múmınov. Kitapty úılestirýshi: B.D. Dúısenov. – Almaty: Altyn paraq, 2024. – 260 bet.

Halyqaralyq ǵylymı semınarǵa qatysý úshin baıandamalar men ótinish-hattardy 2024 jyldyń 31 tamyzyna deıin uıymdastyrý komıtetiniń elektrondyq mekenjaılaryna jiberýlerińizdi suraımyz:
kz.orientalstudies.2024@gmail.com,
shighistanu@mail.ru

Semınarǵa qatysý úshin jiberiletin ótinim nysany:
1. Qatysýshynyń tegi, aty, ákesiniń aty.
2. Qatysýshynyń jumys orny, laýazymy, ǵylymı dárejesi men ataǵy.
3. Baılanys telefondary, e-mail adresi.
4. Baıandamanyń ataýy.

Uıymdastyrý komıtetiniń mekenjaıy men baılanystary: 050010, Almaty q., Qurmanǵazy k-si, 29, R.B. Súleımenov atyndaǵy Shyǵystaný ınstıtýty.
Anyqtama telefondary:
+ 7 707 157-95-71 – Mederova Dına Esırkepovna,
+ 7 701 697-96-90 – Kýrmanbaeva Kýralaı Smagýlovna.
Maqalany resimdeýge qoıylatyn talaptar:

1. Maqalanyń ataýy men onyń mátini arasynda: avtordyń tegi, aty, ákesiniń aty, jumys orny, laýazymy, ǵylymı dárejesi eki tilde: maqala jazylǵan tilde jáne aǵylshyn tilinde qoıylady.
2. Maqalanyń ataýy jáne onyń túıini (shamamen 200 sóz) basynda aǵylshyn tilinde beriledi.
3. Ádebıetter men derekkózder nómirlenedi jáne olardyń tizimi maqalanyń sońynda beriledi. Maqalanyń mátininde siltemeler tik jaqshada kórsetiledi [1: 245].

Halyqaralyq semınarǵa qatysý týraly baıandamalar men úndeý hattar 2024 jyldyń 1 qyrkúıegine deıin myna meken-jaıǵa jiberilýi kerek kz.orientalstudies.2024@gmail.com ; shighistanu@mail.ru

Semınarǵa qatysý shyǵyndaryn jiberýshi tarap kóteredi. Baıandamalary talqylanǵan arnaıy shaqyrylǵan qatysýshylardyń qarjylyq shyǵyndaryn uıymdastyrý komıteti kóteredi.

Uıymdastyrý komıteti