Amanat partııasynyń múshesi jeti jastaǵy balany zorlady degen kúdikke ilindi

Foto: ashyq derekkóz

Amanat partııasy Aqsý aýdandyq fılıalynyń basshysy Jaqypov Serikqan jynystyq sıpattaǵy zorlyq-zombylyq jasady degen kúdikke ilindi.  Bul týraly qandastar.kz Aqsý aýdandyq polıııa bólimine silteme jasap habarlaıdy.

Málimet boıynsha, saraptama 7 jasar balaǵa kúsh qoldaný faktisin rastady. Balanyń anasy Aqsý aýdandyq ishki ister bólimine aryz jazǵan.

Aqsý aýdandyq polıııa bóliminiń málimetinshe, kámeletke tolmaǵan tulǵaǵa qatysty jynystyq sıpattaǵy zorlyq faktisi boıynsha sotqa deıingi tergeý bastaldy.

Kúdikti ustalyp, ýaqytsha ustaý ızolıatoryna qamaldy. Qajet sot-medıınalyq saraptamalar taǵaıyndalyp, tergeý sharalary júrgizilip jatyr. Tergeý sheńberindegi basqa derekter Qylmystyq is júrgizý kodeksiniń 201-babyna saı jarııalanbaıdy, – delingen habarlamada.

Amanat partııasynyń Jetisý oblystyq fılıaly Jaqypovtyń endi partııada jumys istemeıtinin málimdedi.

«Amanat» partııasy Jetisý oblysy Aqsý aýdandyq fılıalynyń eks-basshysy 2024 jyldyń 1 tamyzynda óz erkimen qyzmetinen ketti, – delingen habarlamada.