Jańalyqtar
«AMANAT» Perızat Qaırat pen Biz Birgemiz qoryna qatysty aqparatqa jaýap berdi.
Foto: ashyq derekkóz
«AMANAT» depýtattary Májilis kýlýarynda Perızat Qaırat pen Biz Birgemiz qoryna partııanyń qatysy bar degen qaýesetke jaýap berdi, – dep habarlaıdy qandastar.kz
«Bul qordyń partııaǵa esh qatysy joq. Bul jeke qor. Bul qordyń quryltaıshysy bolǵan birqatar adam bar. Iá, olar «AMANAT» partııasynyń músheleri, onyń ishinde eki adam. 2021 jyly olar belsendi ári volonter boldy. Olardyń maqsaty qaıyrymdylyqpen aınalysatyn qoǵam qurý edi… Iá, bul jigitter bizde jumys isteıdi, bireýi jaýapty hatshy», – dedi Beısembaev.
Onyń aıtýynsha, olar qordy úsh jyl buryn qurǵan.
«Men bul qor týraly eshteńe estigen joqpyn, biraq sý tasqynynan keıin belgili bir mólsherde aqsha túsip, Perızat Qaıratqa qatysty másele bar ekenin bildik. Tergeý munymen aınalysady dep oılaımyn. Pandemııa kezinde jumys istegen bul qor Biz Birgemiz dep ataldy, al qazirgi qor «Biz Birgemiz Qazaqstan 2030″ dep atalady. Onyń bul qorǵa qandaı qatysy bolýy múmkin? Eshqandaı», – dep atap ótti Beısembaev.
«AMANAT» partııasy ókilderiniń qorǵa qatysy týraly aqparatqa depýtat Sergeı Ponomarev te túsinikteme berdi.
«Men endi ǵana birneshe esimdi kórdim. Men bir ǵana nárseni aıta alamyn, alaıaqtar sonshalyqty qý, olar ultyna, partııasyna, dinine qaramastan kez kelgen halyqtyń senimine ıe bolýy múmkin. Tıisti organdar anyq-qanyǵyn tekseredi», – dedi depýtat.
Eske salaıyq, 14 qarashada qaıyrymdylyq qorynyń quryltaıshysy Perızat Qaırat kóktemgi sý tasqyny kezinde halyqtan jınalǵan 1,5 mlrd teńgeni jymqyrdy degen kúdikpen ustalǵany málim boldy. Qarjylyq monıtorıng agenttigi ókilderiniń málimdeýinshe, Perızat Qaırat qorǵa túsken aqshanyń negizgi bóligin jyljymaıtyn múlik pen baǵaly zattar satyp alýǵa jumsaǵan. Sonymen qatar Perızat Qaırat para ústel tennısi federaııasynyń basshysy qyzmetinen bosatylǵany belgili boldy. 16 qarashada QMA ókilderi Perızat Qaırat Palestına turǵyndaryna jınalǵan qarjydan 200 mln teńgeden asa qarajatty jymqyrdy dep taǵy bir kúdikke ilingenin habarlady. Keıin Astana soty bultartpaý sharasymen Perızat Qaırat eki aı merzimge qamaýǵa alynǵanyn habarlady.
