«امەريكادا نەكەمىز قيىلدى»: ايگۇل يمانباەۆا تۇرمىسقا شىققانىن راستادى

فوتو: Instagram/ aigul_imanbayeva

قازاقستاندىق تانىمال ءانشى ءارى اكتريسا ايگۇل يمانباەۆا جەكە ومىرىندەگى جاڭالىعىن جاريالاپ, ەلدى تاڭعالدىردى. ونەر يەسى ەكىنشى مارتە تۇرمىسقا شىققانىن راستادى, دەپ جازادى KAZ.NUR.KZ.

ەسترادا جۇلدىزى بولاشاق كۇيەۋىمەن شەتەلدە وقۋدا جۇرگەن كەزىندە تانىسقان. سوزىنشە, ول دا اجىراسقان, ءبىر قىزى بار. ءانشىنىڭ جولداسى ون جىلدان بەرى امەريكادا تۇرادى. «مەن كۇندەلىك جازامىن. كۇيەۋىمنىڭ ويىنان باستاپ, بويىنا دەيىن قانداي ادام بولاتىنىن جازىپ قويعانمىن. ءدال سول ورىندالىپ كەتتى. ۇنەمى تانىستارىما «مەنىڭ تويىم شەتەلدە بولادى. تولقۇجاتتارىڭدى دايىنداڭدار» دەپ ايتا بەرۋشى ەدىم. سول دا ورىندالايىن دەپ تۇر. «بولاشاقپەن» وقۋعا كەتىپ بارا جاتقاندا ومىرىمدە ول ادام بولمادى. انگلياعا بارعاندا, اعىلشىنىم وتە ناشار بولدى. اينالام تەك اعىلشىنشا سويلەيتىن ادامدار. ول كەزدە قايدان جىگىت ويلايسىڭ?! ساباققا باسپەن كىردىم.

كۇيەۋىم 10 جىلدان بەرى امەريكادا تۇرادى. قىزى لوندوندا وقيدى. ءوزىم سەكىلدى اجىراسقان جىگىت. تاعدىرىمىز ۇقساس بولىپ تۇر. 1977 جىلى دۇنيەگە كەلگەن. نايمان رۋىنىڭ جىگىتى. بىراق مەنەن التى اي عانا كىشى. ورتاق دوستارىمىز ارقىلى تانىستىق. ەڭ العاش كورگەندە “مىنا جىگىتتى 15 جىل بۇرىن تۇسىمدە كوردىم” دەدىم. تەلەفون الماستىق. مەنىڭ ءارتىس ەكەنىمدى بىلمەيتىن بولىپ شىقتى. قازۇۋ-دىڭ فيلولوگيا فاكۋلتەتىن بىتىرگەن. مەن جۋرناليستيكا ماماندىعىندا وقىعانمىن. ەكىنشى ماماندىعى – ءىت سالاسى. بىراق الماتىدا كەزدەسپەپپىز», – دەدى يمانباەۆا.

ونەر يەسى سۇيىكتىسى ۇسىنىس جاساعاندا ءبىرىنشى كەزەكتە ۇلىمەن اقىلداسقانىن ايتتى. پەرزەنتىنىڭ ەش قارسىلىعى جوق ەكەنىن بىلگەن سوڭ, قوس عاشىق لوندوندا نەكەسىن قيدىرعان. «جاڭا جىلدى ءبارىمىز لوندوندا قارسى العانبىز. ۇلىم مەن كەلىنىم, ونىڭ قىزى دا كەلدى. سول كەزدە رەسمي بالاممەن تانىستىردىم. كۇيەۋىم ۇسىنىس جاساعاندا, «اسەكا, مەن نە ىستەيمىن?» دەپ ۇلىما ءبىرىنشى حابارلاستىم. ونىڭ دا جانىنا مەنىڭ جالعىز جۇرگەنىم باتاتىنىن سەزەتىن ەدىم. «ماما, ونىڭ بويىندا ەشقانداي كومپلەكسى جوق. وزىنە نە قاجەت ەكەنىن بىلەدى, اقىل توقتاتقان, ءبىلىمدى ادام. ماعان ەرلان اعا ۇنايدى. باقىتتى بولىڭىز» دەدى. سودان امەريكادا پالەستينالىقتاردىڭ مەشىتىندە نەكەمىز قيىلىپ, باس قوستىق.

قازىرگى تاپقان ادامىم – ماڭگىلىك ماحابباتىم. سانالى تۇردە شەشىم قابىلدادىم. باقىتتى ساتىمدە ۇلىم دا, قۇربىم دا جانىمنان تابىلدى. ماھرگە كولىك سۇرادىم. «قازاقشا توي جاساعىڭ كەلە مە?» دەپ سۇرادى. مەن قارسى بولدىم. بىراق قۇدالىق ءوتىپ, ورامال سالىپ, كەلىنشاي بەردىم», – دەدى اكتريسا «مامسكي اڭگىمە» پودكاستىندا.