«Amerıkada nekemiz qıyldy»: Aıgúl Imanbaeva turmysqa shyqqanyn rastady

Foto: Instagram/ aigul_imanbayeva

Qazaqstandyq tanymal ánshi ári aktrısa Aıgúl Imanbaeva jeke ómirindegi jańalyǵyn jarııalap, eldi tańǵaldyrdy. О́ner ıesi ekinshi márte turmysqa shyqqanyn rastady, dep jazady KAZ.NUR.KZ.

Estrada juldyzy bolashaq kúıeýimen shetelde oqýda júrgen kezinde tanysqan. Sózinshe, ol da ajyrasqan, bir qyzy bar. Ánshiniń joldasy on jyldan beri Amerıkada turady. «Men kúndelik jazamyn. Kúıeýimniń oıynan bastap, boıyna deıin qandaı adam bolatynyn jazyp qoıǵanmyn. Dál sol oryndalyp ketti. Únemi tanystaryma «Meniń toıym shetelde bolady. Tólqujattaryńdy daıyndańdar» dep aıta berýshi edim. Sol da oryndalaıyn dep tur. «Bolashaqpen» oqýǵa ketip bara jatqanda ómirimde ol adam bolmady. Anglııaǵa barǵanda, aǵylshynym óte nashar boldy. Aınalam tek aǵylshynsha sóıleıtin adamdar. Ol kezde qaıdan jigit oılaısyń?! Sabaqqa baspen kirdim.

Kúıeýim 10 jyldan beri Amerıkada turady. Qyzy Londonda oqıdy. О́zim sekildi ajyrasqan jigit. Taǵdyrymyz uqsas bolyp tur. 1977 jyly dúnıege kelgen. Naıman rýynyń jigiti. Biraq menen alty aı ǵana kishi. Ortaq dostarymyz arqyly tanystyq. Eń alǵash kórgende “myna jigitti 15 jyl buryn túsimde kórdim” dedim. Telefon almastyq. Meniń ártis ekenimdi bilmeıtin bolyp shyqty. QazUÝ-dyń fılologııa fakýltetin bitirgen. Men jýrnalıstıka mamandyǵynda oqyǵanmyn. Ekinshi mamandyǵy – IT salasy. Biraq Almatyda kezdespeppiz», – dedi Imanbaeva.

О́ner ıesi súıiktisi usynys jasaǵanda birinshi kezekte ulymen aqyldasqanyn aıtty. Perzentiniń esh qarsylyǵy joq ekenin bilgen soń, qos ǵashyq Londonda nekesin qıdyrǵan. «Jańa jyldy bárimiz Londonda qarsy alǵanbyz. Ulym men kelinim, onyń qyzy da keldi. Sol kezde resmı balammen tanystyrdym. Kúıeýim usynys jasaǵanda, «Aseka, men ne isteımin?» dep ulyma birinshi habarlastym. Onyń da janyna meniń jalǵyz júrgenim batatynyn sezetin edim. «Mama, onyń boıynda eshqandaı kompleksi joq. О́zine ne qajet ekenin biledi, aqyl toqtatqan, bilimdi adam. Maǵan Erlan aǵa unaıdy. Baqytty bolyńyz» dedi. Sodan Amerıkada palestınalyqtardyń meshitinde nekemiz qıylyp, bas qostyq.

Qazirgi tapqan adamym – máńgilik mahabbatym. Sanaly túrde sheshim qabyldadym. Baqytty sátimde ulym da, qurbym da janymnan tabyldy. Máhrge kólik suradym. «Qazaqsha toı jasaǵyń kele me?» dep surady. Men qarsy boldym. Biraq qudalyq ótip, oramal salyp, kelinshaı berdim», – dedi aktrısa «Mamskıı áńgime» podkastynda.