انالارى ەمىزىپ وتىرىپ, ۇيىقتاپ قالعان: پاۆلودار وبلىسىندا ءبىر اپتادا ەكى ءسابي كوز جۇمدى

فوتو: shutterstock.com

پاۆلودار وبلىسىندا ءبىر اپتادا ەكى ءسابي انالارىنىڭ قاتەلىگىنەن كوز جۇمدى. بۇل تۋرالى Stan.kz اقپارات اگەنتتىگى حابارلايدى.

وقىس وقيعالار تۋرالى پاۆلودار وبلىستىق بالالار اۋرۋحاناسىنىڭ دارىگەرلەرى حابارلادى.

«20 تامىز كۇنى 28 كۇندىك نارەستە كوز جۇمدى. اناسى تۇندە تاماقتاندىرۋ كەزىندە ۇيىقتاپ قالىپ, كەۋدەسىمەن باسىپ قالعان», – دەيدى پاۆلودار وبلىستىق بالالار اۋرۋحاناسىنىڭ دارىگەرى جۇلدىز شاحيتدينوۆا.

ال ەكىنشى جاعداي 14 تامىز كۇنى بولعان.

“نارەستە ەكى اي جەتى كۇندىك بولعان. شالا تۋىلعاندىقتان سالماعى از. اناسى ەمىزىپ جاتىپ ۇيىقتاپ قالعان. تاڭەرتەڭگى ساعات 03:15-تە ايەل ويانعاندا نارەستەنى ءولى كۇيىندە بولعان», – دەيدى دارىگەر.