Analary emizip otyryp, uıyqtap qalǵan: Pavlodar oblysynda bir aptada eki sábı kóz jumdy

Foto: shutterstock.com

Pavlodar oblysynda bir aptada eki sábı analarynyń qateliginen kóz jumdy. Bul týraly Stan.kz aqparat agenttigi habarlaıdy.

Oqys oqıǵalar týraly Pavlodar oblystyq balalar aýrýhanasynyń dárigerleri habarlady.

«20 tamyz kúni 28 kúndik náreste kóz jumdy. Anasy túnde tamaqtandyrý kezinde uıyqtap qalyp, keýdesimen basyp qalǵan», – deıdi Pavlodar oblystyq balalar aýrýhanasynyń dárigeri Juldyz Shahıtdınova.

Al ekinshi jaǵdaı 14 tamyz kúni bolǵan.

“Náreste eki aı jeti kúndik bolǵan. Shala týylǵandyqtan salmaǵy az. Anasy emizip jatyp uıyqtap qalǵan. Tańerteńgi saǵat 03:15-te áıel oıanǵanda náresteni óli kúıinde bolǵan», – deıdi dáriger.