Ánarý Qaldybek: Janqosh meni zorlaǵany ras, qansha ýaqyt aldap keldi

Aıta keteıik, birneshe kún buryn áleýmettik jelide tanymal boksshy Janqosh Turarov qyz zorlady degen kúdikke ilingeni týraly aqparat tarady. Polıııa onyń ústinen aryz túskenin rastaǵan. Keıin biz aryz túsirgen adam – Ánarý Qaldybekqyzy Qurmanálıevanyń ákesine habarlasyp, telefonyn aldyq. Arada eki kún ótkende Ánarý Qaldybekqyzynyń tarapy bizge suhbat berýge kelisti.

Ánarý Qaldybekqyzynyń aıtýynsha, ol Janqosh Turarovpen 2018 jyly áleýmettik jeli arqyly tanysqan.

«2018 jyly «VKontakte» áleýmettik jelisi arqyly maǵan ózi birinshi hat jazdy. Meniń sýretterimen lúpil basyp, únemi hat jazyp júrdi.  Men ol kezde onyń úılengenin, bala-shaǵasy bar ekenin bilgen joqpyn, boksshy ekenin de bilgen joqpyn. Áleýmettik jelide otbasy týraly eshbir aqparat jazbaǵan. Boıdaqpyn dep statýs qoıǵan. Sodan keıin jaı ǵana sóılesip júrdim. 2018 jyldyń aqpan aıynda meni kezdesýge shaqyrdy. Ondaı jerge jalǵyz barmaıtyn bolǵan soń qurbymdy ertip aldym. Grýppalas qurbym ekeýmiz kezdesýge bardyq, al onyń janynda kóp adam boldy. Sodan bastap bir aı boıy maǵan hat jazyp júrdi. Maǵan «sen pák qyzsyń, sen taza qyzsyń, maǵan qatty unaısyń» deıtin.  Biraq, ol kezde men onyń otbasyly adam ekenin bilip, «siz úılengen adam ekensiz, men sizben aralasa almaımyn» dedim. «Joq, men úılengen bolsam da sen maǵan unaısyń, men saǵan aǵalyq qamqorlyq tanytqym keledi, jamandyq oılamaımyn» dedi. Osylaı kúnde hat jazatyn. Arada bir aı ótkende maǵan «ákemniń anasy, ájem qatty aýyryp jatyr. Hál ústinde. Seni kórsetkim keledi, kelshi» dep bir meken-jaı jiberdi. Men birden bara almaımyn dedim. Biraq, sonyń aldynda, bir jarym jyl buryn men anamnan aıyrylǵan adam retinde onyń ájesi aýyryp qalǵanyna qatty janym ashydy. Sondyqtan, ol  meni apasynyń hálin suraýǵa kóndirdi», — deıdi Ánarý Qaldybekqyzy.

Ánarýdyń aıtýynsha, Janqosh Turarov oǵan «apam osy jerde» dep bir meken-jaı jibergen. Barǵanda onyń qonaq úı ekenin kórgen.

«Ol maǵan qonaq úıdiń meken jaıyn jiberipti. «Qazybek» degen qonaq úıdiń 4 qabaty, 404 nómirin alypty.  Men ol kezde stýdent edim, jas edim, men qonaq úıdiń ne ekenin bilmeıtinmin. Kirsem, ózi ǵana otyr eken nómirde. «Apańyz qaıda?» dep edim, «qazir keledi» dedi. Sosyn maǵan syrttan keldiń ǵoı, shóldegen shyǵarsyń, sý ish» dep bótelkedegi sýdan quıyp berdi. Ishkennen keıin basym aınalyp, esimnen tanǵandaı bolyp, júre almaı qaldym. Aıaqtarym qozǵalmaı qaldy. «Júr, júr» dep tósek jaqqa qaraı aparyp, tósekke jatqyzdy. «Basyń aınalyp ketti, jata tur» dedi. Esimdi jartylaı bilemin, jartylaı bilmeımin. Sanam anyq emes, sol ýaqytta meni aqyryndap jatqyzyp, kıimderimniń bárin sheshti. Ústimde kóılegim bolǵan, kóılegimdi sheshti. Aıaǵymnan, tabanymnan, aıaǵymnyń bashpaılaryn súıe bastady. Men qozǵala almaı jattym. Oıanǵanda eshteme túsinbedim. Esimdi jısam, saǵat túngi 3-4 bolypty», — deıdi ol.

Iaǵnı, Ánarýdyń aıtýynsha, Janqosh Turarov onyń páktigin alyp, alǵash ret ony sol qonaq úıde erkinen tys jynystyq qatynasqa tartqan.

«Sol túni ol birinshi ret «isin» istedi. Odan keıin ol dýshqa kirip ketti, telefonyna «Botaqan» degen bir baılanys nómiri qaıta-qaıta bireý qońyraý shaldy. Janqosh dýshtan shyqty. «Zorladyń ba?» degende maǵan «joq, óziń keldiń, meni bári qyzdar jaqsy kóredi ǵoı» dedi. Men «joq, sizdiń ústińizden aryz jazamyn» dedim. Sol sátte basqasha sóılep, «men áıelimmen ajyrasaıyn dep júrmin, ony jaqsy kórmeımin, maǵan ul bala kerek, saǵan degen sezimim bar, seni jaqsy kóremin» dedi. Men onyń sol sózderine sendim», — deıdi Ánarý Qaldybekqyzy.

Onyń aıtýynsha, Janqosh Turarov sol qalpy áıelinen ajyraspaǵan. Biraq, aıtýynsha, qyzdy da jaıyna qaldyrmaǵan.

«Oǵan «áıelińiz bar ǵoı, ar-namysyńyz qalaı jiberedi, namaz oqısyz, Mekkege bardyńyz, qyzdaryńyz bar, nege maǵan bulaı istedińiz» desem, «men seni jaqsy kóremin» deıdi», — dedi ol.

Osylaısha, Ánarýdyń aıtýynsha, Janqosh Turarov onyń qyr sońynan qalmaıtyn bolǵan.

«Men Almatydaǵy jaǵdaıdyń bárin umytaıynshy, jańa ómir bastaıynshy dep, Aqtaýǵa kettim. Ol artymnan Aqtaýǵa keldi. Astanaǵa barsam, Astanaǵa keledi. Alty jyl boıy meniń búkil jastyǵymdy, qyzdyǵymdy, páktigimdi qurtty», — deıdi ol.

Ánarý Qaldybekqyzy 2018 jyldan beri osy ýaqytqa deıin Janqosh Turarov ekeýi únemi tósek qatynasyna túsip júrgenin málim etti. Al, sońǵy ret, onyń aıtýynsha, Janqosh ony kúshpen jynystyq qatynasqa túsirgen.

«Eń alǵash qyzdyǵymdy alǵannan keıin 20 kún boıy kindik sheshemniń úıinde turdym. Sol kisi kýá ǵoı: bir apta tósek tartyp jatyp, 20 kún boıy úıden shyqpadym. О́zimdi kináladym, ókindim. Qatty kúızeldim», — deıdi ol.

Ánarýdyń aıtýynsha, sońǵy ret Janqosh ekeýi 2024 jyldyń 12 tamyzynda kezdesken.

«Sońǵy ret men Almatyda ekenimdi bilip alyp, maǵan kelemin dedi. «Sálem, qalaısyń, men seni saǵyndym» dep hat jazdy. «Kórgim kelip tur» dep adres surady. Men kezdesýge qarsy boldym.  Ol maǵan «men áıelimmen ajyrasamyn, ara qatynasymyz óte nashar, úsh qyz týdy, bir ul týyp bere almady. Sendeı adamnan, sendeı qyzdan urpaq bolǵanyn qalaımyn» dedi. Sosyn, meken- jaıymdy jibergen soń, 12 tamyz kúni túnde keldi. Meniń oıym – oǵan jandúnıemde ne bolyp jatqanyn aıtý edi. Anam týraly aıtyp, júregimdi aqtarǵym keldi. Anama shyǵarǵan óleńimdi oqydym. Sol kúni oǵan «ómirimdi qurttyń» dep jyladym. «Jeti jyldaı boldy sizge senip júrgenime, qanshama adam úıleneıik dep usynys aıtty, eshkimge qaramadym, sen meniń júregime óte qatty daq saldyń» dedim. Biraq, ol tyńdamaı, meni sheshindirmekshi boldy. Men qarsy boldym, «Janqosh, sóılesýge keldik qoı» dedim. «Jaǵdaıdy aıtqym keledi» dedim. Qarsylastym. Ol óz degeninde turyp, jynystyq qatynasqa tústi. Meni kúshpen qylqyndyryp, moınymnan ustap turyp, shashymnan tartyp, zorlady. Bárin bolǵannan keıin janymda otyrdy. Maǵan «ajyrasamyn» dep taǵy sendirip ketti», — deıdi Ánarý.

Arada alty kún ótken soń emoıonaldy túrde sharshadym degen Ánarý aqyry polıııaǵa aryz jazýǵa bekingen.

«Zorlap jatqanda aıqalaıdym. «Tıispe» dedim. Osydan sharshaǵan soń, tamyzdyń 19-kúni polıııany shaqyrdym. Oǵan deıin men depressııada júrdim. Nege aryz jazdym deseńizder, sebebi men sharshadym, jeti jyldan beri ómirim ótip jatyr. Qyzdyǵymdy alǵany týraly, anama bergen sertim týraly oıyma kele berdi. Emoıonaldy kúıde boldym. Osylaısha Áýezov polıııasyna baryp, aryz jazdym. Polıııada bettestirý ótti. 20 tamyzda bettestik. Bettestirý kezinde maǵan «Alla  razylyǵy úshin meni keshirshi, men seni unattym, saǵan degen sezimim bar, men seni eshqashan tastamaımyn, máńgilikke birge bolamyz» dedi. «Men saǵan istegenim úshin bárine jaýap beremin, bárine kómek beremin. Saǵan 2 mln teńge jibereıin» dedi. Men «aqsha da, eshteńe de kerek emes, psıhologııalyq jaǵdaıym durys, balalyq shaǵym baqytty ótti, maǵan anamnyń ólimi men sizdiń maǵan istegenińiz jara saldy» dedim. Endi isti polıııa tergep jatyr», — dedi ol.

Ánarýdyń aıtýynsha, onyń bar talaby Janqosh Turarovty zań aıasynda jazalaý.

«О́z jazasyn alsa eken deımin. Saraptamanyń bárin jasattym. Iaǵnı, Turarov Janqoshtyń jazalanyp, qolymen istegenin moınymen kótersin deımin. Alty jarym jyl buryn qandaı adam edi, dál qazir sondaı adam. Qazir aıtyp turǵanymnyń bári shyn, barlyq dálelim bar. Jazbalar bar, kýágerler bar», — deıdi Ánarý Qurmanáli.

Aıta keteıik, boksshy Janqosh Turarov buǵan deıin eshkimdi zorlamaǵanyn aıtyp, «tósektes kerek bolsa, qyzdar ózderi-aq keletinin» aıtqan.