Antıkor: «SK-Farmaııa» tenderlerine birdeı kompanııalar qatysyp kelgen

QR Sybaılas jemqorlyqqa qarsy is-qımyl agenttiginiń resmı ókili Danııar Bıǵaıdarov 2024 jylǵy 14 qarashadaǵy brıfıng barysynda atap ótkendeı, «SK-Farmaııada» halyqty dárilik zattarmen jáne medıınalyq buıymdarmen ýaqtyly jáne sapaly qamtamasyz etý mindetterin iske asyrýǵa kedergi keltiretin eleýli sybaılas jemqorlyq táýekelderi bary anyqtaldy.

«Birinshiden, shekti baǵany qalyptastyrý kezinde óndirýshi nemese jetkizýshi aıtqan dári-dármekter men medıınalyq buıymdar quny eskeriledi. Sodan keıin bul somaǵa ústeme aqy qosylady. Jetkizý shyǵyndary – 15%, marketıng – 30%, kóterme jáne bólshek saýda – 10-nan 55% – ǵa deıin», – dedi Danııar Bıǵaıdarov.

Ol mundaı esepteýler boıynsha tasymaldaý men saqtaýdyń birdeı sharttaryna qaramastan, qymbat dári-dármekter baǵasy arzanyna qaraǵanda áledeqaıda joǵary bolyp shyǵatynyn aıtady.

«Osyndaı baǵa mehanızminiń arqasynda sońǵy tutynýshy medıınalyq preparattardy ózindik qunynan keminde eki ese qymbatqa satyp alady (tirkelgen 1267 preparattyń shekti baǵasy 100% nemese odan da kóp bolyp shyqqan)», – dedi ol.

Sonymen qatar, «SK-Farmaııa» tenderlerine birdeı kompanııanyń qaıta-qaıta qatysýy sıpatyndaǵy jeti fakti anyqtaldy, bul karteldik kelisim belgilerin baıqatady. Bul kompanııalar bir-birine jalǵyz básekeles retinde aldarynan shyǵyp otyrǵan, al tender jeńisin ózara almasqan. Kompanııalardyń árqaısysy aýkıonda eń tómen baǵada jeńiske jetken – 1%.