«Araqty qınap ishkizip, terezeden laqtyryp jibergen»: Astanada 19 jastaǵy ulynan aıyrylǵan ana ádildikti talap etedi

Foto: jeke qorynan

Astanada 19 jastaǵy jigit mas kúıinde turǵyn úıdiń toǵyzynshy qabatynan qulap qaza tapty degen aqparat tarady. Marqumnyń anasy Larısa Salbaevanyń aıtýynsha, ulynyń joǵarydan ózdiginen qulap ketýi múmkin emes. Sebebi balasy múlde ishpeıdi, shekpeıdi. Buǵan deıin tek sportpen aınalysqan. Qaıǵyly qazaǵa tap bolǵan otbasy bul iste Medetti dos baldary óltirdi me dep kúdiktenedi. Sebebi úı qabyrǵasy men edende qan izderi bolǵan. Marqumnyń anasy qandastar.kz Stan.kz tilshisine qaıǵyly oqıǵanyń mán-jaıyn aıtyp berdi.

Marqumnyń anasy Larısa Salbaevanyń sózinshe, balasy qaıǵyly oqıǵa bolǵan kúni dostaryma baryp, sol jerde qonamyn dep aıtyp ketken.

«Ulym «dostaryma baramyn, birge oqıtyn kýrstastarym, ár apta baryp júretin edim” dedi. Jelide ulymdy «ózi ishti, qusamyn dep ózin balkonnan laqtyryp jiberdi” degen aqparat tarap jatyr. Men bul áńgimelermen múldem kelispeımin. О́z balama senemin. О́ıtkeni ulym ishpeıtin, qanshama jyldan beri sportpen aınalysyp kele jatyr. Oqıǵa ornynda balamnan bólek tórt jigit bolǵan. Olar qylmysty 2-3 aıdan beri oılastyrǵan. Bul men úshin jumbaq ólim. Tórteýi ulyma araqty qınap ishkizgen bolýy múmkin. Araqqa birdeńe qosqan da shyǵar. Sóıtip olar meniń balamdy laqtyryp jiberip otyr», – deıdi marqumnyń anasy.

Marqumnyń anasynyń sózinshe, qaıǵyly oqıǵadan soń bir bala qashyp ketip, meshitke túnegen.

«Tórt balanyń bireýi ketip qalypty. Demalysta ápkemniń úıinde boldym deıdi. Bir bala meshitke qashyp, sol jerde túnegen. Ishken adamdy meshitke kirgize me? Bireýi balamdy laqtyryp jiberip, qalǵan úsh bala qarap otyrady degenge jeke basym senbeımin. «Ańdaýsyzda boldy, ózi ishti, ózi qulady» deıdi. Olar balamnyń basyn jaryp, tilip laqtyryp jibergen. Sebebi qabyrǵanyń bári qan. Tipti qan balkonnan tamshylap, jerge túsken. Joǵarydan tómenge deıin qan bolyp jatyr. Bul iste men óz balama senemin. Ol ishpeıdi, shekpeıdi. Kináli balalardyń jazasyn alǵanyn, sottyń ashyq túrde, ádil ótkenin qalaımyn», – deıdi marqumnyń anasy.

TikTok áleýmettik jelisinde “ZaMedet” degen arna paıda boldy. Onda marqumnyń týystary, synyptastary men dostary #ZaMedet degen heshtegpen vıdeoúndeý jarııalap, ádildik surap otyr. Olar marqumnyń óz ózine qol salǵanyna senbeıtinin aıtyp jatyr.

«Medet mas kúıinde ózine qol jumsady, joǵary qabattan ózi qulap tústi degenge senbeımiz. Ádildikti talap etemiz», – deıdi olar