Aram óltirmegen: soqqan sıyryn soıyp, etin salyp alǵan azamat

Qyzylorda oblysy, Jalaǵash aýdanynda tas jolda kólik sıyrdy qaǵyp ketken. Kólik basqarǵan júrgizýshi maldy sol jerde soıyp, etin úıine salyp alyp ketken. Artynsha sıyr ıesimen daý sotta medıaııa tártibimen sheshildi, dep habarlaıdy Qandastar.kz aqparat portaly.

Tas jolda bolǵan oqıǵa

Jalaǵash aýdandyq sotynyń málimetinshe, er adam kólikti basqaryp kele jatyp, oblystyń basqa turǵynyna tıesili sıyrdy qaǵyp ketken. Oqıǵa jol-kólik oqıǵasy sanatyna jatqyzyldy. Alaıda júrgizýshi ıesine habarlap, sotty kútýdiń ornyna, sıyrdy sol jerde soıyp, etin alyp ketken.

Kim kináli: sıyr, shopyr nemese mal ıesi

Júrgizýshiniń áreketinen eshqandaı ákimshilik quqyq buzýshylyq anyqtalmaǵandyqtan, polıııa isti tıisti qaýlymen japty. Alaıda janýardyń ıesi oqıǵanyń bulaı órbýimen kelispeı, azamattyq is júrgizý aıasynda sotqa júgingen.

Ol óz talap-aryzynda júrgizýshiden 350 myń teńge ótemaqy tóleýdi talap etken – onyń esebi boıynsha sıyrdyń quny osyǵan teń.

Taraptar bitimge kele aldy ma

Sot talqylaýy barysynda taraptar ózara kelisimge kelip, janjaldy medıaııa tártibimen retteý týraly sheshim qabyldady. Kelissózder barysynda medıaııalyq kelisimge qol qoıylyp, onyń aıasynda júrgizýshi jábirlenýshige ótemaqy retinde 150 myń teńge tóleýge mindetteldi. Oryndaýdyń sońǵy merzimi – 2025 jyldyń 5 maýsymy.

Jaýap retinde talapker bastapqyda málimdegen somany qaıtaryp alyp, júrgizýshige qoıǵan talaptaryn tolyq kólemde aldy.

Sot sheshimi

Sot daýdy retteldi dep tanyp, medıaııalyq kelisimniń talaptaryn bekitti. Is boıynsha óndiris toqtatyldy.