«ارامىزدا اتا مەن بالاعا ءتان بايلانىس بولدى»: مۇحامەدجان تازابەك قوناەۆتى ەسكە الدى

فوتو: جەكە قورىنان

مۇحامەدجان تازابەك دىنمۇحامەد قوناەۆپەن قالاي تانىسقانى تۋرالى ايتىپ, ەستەلىكتەرىمەن ءبولىستى. اقىن ءوزىنىڭ Instagram-داعى پاراقشاسىندا دىنمۇحامەد قوناەۆپەن تانىسقان كەزدەگى بەينەجازبالاردان ءۇزىندى جاريالادى, دەپ حابارلايدى   qandastar.kz   Skifnews.kz اقپارات پورتالىنا سىلتەمە جاساپ.

مۇحامەدجان تازابەك جاستىق شاعىن ەسكە الدى.

“1991 جىلى بەردەن بايقوشقاروۆ اعامىز سەبەپ بولىپ, قوناەۆتىڭ ۇيىنە ءبىرىنشى رەت باردىم. سالەم بەرىپ, تانىستىق. 1992 جىلدىڭ قىسىندا 80 جىلدىعىنا تاعى دا ارنايى باردىق. مەن سول داستارحاندا ساعات بويى بىرگە وتىردىم”, – دەپ جازدى ول.

جاس ايتىسكەر وتىرىستا ارناۋ ايتىپ, قوناەۆتىڭ قولداۋىنا يە بولعان.

“وتىرىستا ءبىر ەمەس, بىرنەشە رەت ارناۋ ايتتىم. ءار قولىما دومبىرا الىپ شىققان سايىن “مۇقا, داۆاي! ءاي, بۇل مۇقانى تىڭداڭدار! بۇل مۇقا عوي” دەپ كوتەرمەلەيدى. ول كەزدە بالامىن عوي تۇسىنبەپپىن. سويتسەم, مەنى كوتەرمەلەۋ ارقىلى توڭىرەكتە وتىرعان ادامداردىڭ نازارىن اۋدارتىپ, “كىسى بولسىن, ەلدى ويلايتىن ازامات بولسىن” دەپ بەرىپ جاتقان موتيۆاتسياسى ەكەن عوي…” – دەيدى اقىن.

ايتىسكەر قوناەۆتىڭ وزىنە بەرگەن قولداۋى ومىردە تۇلعا بولىپ قالىپتاسۋىنا سەبەپ بولعانىن ايتتى.

“بولار ەلدىڭ بالاسى” دەگەن ءسوز سودان شىققان. ءبىر-ءبىرىمىزدى قولپاشتاپ جۇرسەك, كەرەمەت ەمەس پە?”, – دەدى ول ءسوزىن قورىتىندىلاپ.