Árbir úshinshi qazaqstandyq óziniń tabysyn jasyrady

Foto: ashyq derekkóz

Árbir úshinshi qazaqstandyq óziniń tabysyn jasyrady, dep jazdy qandastar.kz

Olar beıresmı jumys istep, nátıjesinde áleýmettik kepildikterden qaǵylyp otyr. Bul eńbek quqyqtarynyń qorǵalmaýy, bolashaqta zeınetaqynyń tıisti deńgeıge jetpeýi sekildi qaýip-qaterlerge ákeledi. Adam Research sarapshylarynyń zertteýine súıengen Energyprom saıty osylaı dep jazdy. Áleýmettik saýalnama nátıjesi respondentterdiń 36,4%-y resmı emes jumyspen qamtylǵanyn kórsetip otyr. Bul kórsetkish áıelderge qaraǵanda erler arasynda joǵary.

atamekenbusiness_qaz habarlaǵandaı, qyzmetkerlerdiń 16,6%-y jalaqyny konvertpen alsa, 13,6%-y kóleńkeli bıznespen aınalysqan. Taǵy 6%-ynda turaqty jumysy bolmaǵan. Bul rette resmı jumysqa turmaǵandardyń ortasha tabysy 100 myń teńgege de jetpeıtin kórinedi. Alaıda kóleńkeli bızneste júrgenderde bul kórsetkish birneshe ese asyp túsken. Konvertpen jalaqy alatyndar tabysy qajettilikke jetpeıtinin aıtqan. Resmı málimetterge sáıkes, byltyr elimizde 1,2 mıllıon adam beıresmı jumyspen qamtylǵan.