«Ardaq Nazarov Álııa Nazarbaevanyń oqqaǵary ma»: Májilis depýtaty shynyn aıtty

Foto: Arasha.kz

Májilis depýtaty Ardaq Nazarov Adal ADAM youtube arnasyna bergen suhbatynda «Álııa Nazarbaevanyń oqqaǵary» degen qaýesetke núkte qoıdy, dep jazady qandastar.kz

«2004 jyly Reseıdiń Habarovsk qalasynda álem kýbogynda tóbelestim. Sol kezde orystardyń ınternetke jazǵan kommentarııyn oqyp, ózim tańǵaldym. «Ol Nazarbaevtyń qyzynyń oqqaǵary bolyp jumys isteıdi» depti. Biraq naqty qaı qyzy ekenin aıtpaǵan, aty atalmaǵan. О́zim tańǵalyp qaldym shynymen. Prezıdenttiń januıasynyń oqqaǵary bolý úshin SOP-ta (Prezıdenttiń kúzet qyzmeti) jumys isteýim kerek. Oǵan jumysqa kirý úshin meniń boıym 180 sm-den joǵary bolý kerek. Meniń boıym – 170 sm, salmaǵym 72 kg ol kezde. SOP túgili, meni desantqa DShB-ǵa almaı qoıǵan ǵoı. Álııanyń oqqaǵary degen aqylǵa syımaıdy. Boıym da kelmeıdi, denem de kelmeıdi. Ondaı mamandyǵym da joq. Biraq áli kúnge deıin qaýeset retinde aıtylyp keldi. Sonyń núktesin qoıatyn bolsaq, túbegeıli joqqa shyǵaram. Ol kisini kórmegem de, bilmeımin de. Biraq prezıdenttiń 3 qyzy bar ekenin, attary qandaı ekenin bilemiz», – dedi Ardaq Nazarov.