Arqalyqta sanavıaııaǵa tıesili ushaq apatty jaǵdaıda qondy

Foto: ashyq derekkóz

Qatty borannyń saldarynan Qostanaıdan Arqalyqqa ushyp bara jatqan «AN-2» sanıtarlyq ushaǵy áýejaıǵa jetpeı qonýǵa májbúr boldy, dep jazdy qandastar.kz

Arqalyq qalasynan 1,5 shaqyrym jerge qonǵan ushaqta eki ushqysh, eki dáriger – barlyǵy tórt adam bolǵan.

«Sýyt habar túse salysymen Kostanaı oblysynyń TJD órt sóndirýshileri jedel túrde oqıǵa ornyna jiberildi. Oblystyq TJD men Arqalyq qalasynda jedel shtabtar qurylyp, jedel jeli júıesi iske qosyldy», — dep málimdedi oblystyq TJD-nyń baspasóz qyzmeti.

Oblystyq TJD jarııalaǵan vıdeoda: «Jedel izdep tapqan Tótenshe jaǵdaı bólimshesine rahmet. Arqalyq qalasyna ketip baramyz», deıdi ushaqta bolǵan dárigerdiń biri.

«Qostanaı tańy» basylymy habarlaǵandaı,  Qutqarýshylardyń shuǵyl is-qımylynyń nátıjesinde ushaqtaǵy adamdar aman-esen tabylyp, Arqalyq qalasyna jetkizildi. Jaraqat alǵandar men qaza tapqandar joq. Oqıǵanyń sebebi anyqtalyp jatyr.