ارىستاعى جارىلىس كەزىندە دە جۇمىس ورنىن تاستاماعان كۇزەتشى

ارىستاعى جارىلىس كەزىندە جۇمىس ورنىن تاستاپ كەتپەگەن كۇزەتشى وقيعانىڭ قالاي بولعانىن قازاقپارات تىلشىسىنە ايتىپ بەردى.

كوپ جىلداردىن بەرى بانكتە كۇزەتشى بولىپ جۇمىس ىستەيتىن پەرنەحان بەكمىرزاەۆ جان-جاقتا جارىلىس بولىپ جاتقاندا, جۇمىس ورنىن تاستاپ كەتپەگەن. «ءبىز ءتارتىپ بويىنشا باسشىلىقتىڭ رۇقساتىنسىز ەشقايدا كەتپەۋىمىز كەرەك. ويتكەنى ءوزىڭىز بىلەسىز, بانكتىڭ جۇمىسى وتە جاۋاپتى. سوندىقتان دا مەن جارىلىس بولىپ جاتقان كەزدە, قاۋىپتى بىلسەم دە ءوز جۇمىس ورنىمدا بولىپ, باسشىلىقتان نۇسقاۋلىق كۇتتىم»,- دەيدى پەرنەحان بەكمىرزاەۆ. ارىستىق تۇرعىن ءوزىنىڭ بۇل ءىسىن باتىرلىق دەپ ەسەپتەمەيدى. «ويتكەنى مەنىڭ ورنىمدا بولعان ءاربىر ادام وسىلاي ىستەيدى, جالپى كاسىپكە دەگەن ادالدىق بولۋ قاجەت»,- دەيدى ول.

دەرەككوز://www.inform.kz/kz/zharylys-kezinde-zhumys-ornyn-tastamagan-arystyk-kasipke-adaldyk-kerek_a3543577