Ashat Aımaǵambetov: Kásibı aýrýlar ınstıtýty qaıta quryldy

Foto: parlam.kz

Parlament Májilisiniń depýtaty Ashat Aımaǵambetov Eńbek gıgıenasy men kásibı aýrýlar ǵylymı ınstıtýty qaıtadan óz aldyna derbes ınstıtýt retinde qurylatynyn málim etti. Bul týraly ol Facebook paraqshasynda jazdy, dep habarlaıdy Azattyq Rýhy.

Ol sóz basynda depýtat retinde ǵylym problemasyn sheshýge qalaı atsalysqanyn qozǵap ótti.

«Aldyńǵy jyly birneshe áriptesimmen birge Eńbek gıgıenasy men kásibı aýrýlar ǵylymı ınstıtýtyna barǵanda, ony qaıtadan derbes ınstıtýt retinde qurý týraly másele kóterilgen edi. Sonda biz bul máseleni sheshemiz dep ýáde bergen bolatynbyz. Úkimetpen birlese otyryp, arnaıy qaýly shyǵarylyp, ınstıtýt derbes uıym retinde quryldy. 1958 jyly negizi qalanǵan bul ınstıtýt barlyq shahter, metallýrgter jáne zııandy eńbek jaǵdaıynda jumys isteıtin 500 myńǵa jýyq azamat úshin erekshe mańyzǵa ıe. Keıingi jyldary ınstıtýt ýnıversıtet quramyna kirip, keıbir bólimderi jabylyp, tipti jabylý qaýpi de týyndaǵan bolatyn», – deıdi Ashat Aımaǵambetov.

Ol óz sózinde atalǵan ınstıtýttyń jumysyn qarjylandyrý máselesin tıisti vedomstvolar moınyna alýǵa daıyn ekenin qozǵap ótti.

«Máseleni sheship bergennen keıin endigi kezekte osy ınstıtýttyń tıimdi jumys isteýi úshin turaqty qarjylandyrý, zertteýler júrgizý jáne jabdyqtaý máselelerin qarastyrdyq. Kezdesýge qatysqan densaýlyq saqtaý vıe-mınıstri men ǵylym vıe-mınıstri osy máselelerdi sheshýge atsalysatynyn aıtty», – dep jazdy ol.