اسكەردەگى ساربازدارعا جىلقى ءسۇتى مەن ەتىن بەرۋ كەرەك — دەپۋتات

«جىلقى ءسۇتىن تەرەڭدەتىپ وڭدەۋ ارقىلى قازاق حالقىنىڭ ۇلتتىق برەندىنە اينالدىرۋ مۇمكىندىگىمىز بار. جىلقى ءسۇتىن وڭدەيتىن زاۋىتتار سالۋ جوسپاردا بار ما? ءسۇت وڭدەيتىن زاۋىتتى جىلقى كوپ شوعىرلانعان ۇلىتاۋ, اباي وبلىسى سەكىلدى وڭىرلەردە اشقان ءجون بولادى. بيە ءسۇتىنىڭ گەرمانيادا, فرانتسيادا, قىتاي ەلدەرىندە سۇرانىسى جوعارى. قورعانىس مينيسترلىگى ساربازدارىمىزدى بيە سۇتىمەن جانە جىلقى ەتى ونىمدەرىمەن تاماقتاندىرۋ ماسەلەسىنە باسقا مينيسترلىكپەن بىرلەسە ءمان بەرگەنى ابزال», — دەدى ا. ءالتاي.

ءوز كەزەگىندە اۋىل شارۋاشىلىعى ءمينيسترى ايداربەك ساپاروۆ ەلىمىزدىڭ وڭىرلەرىنەن بيە ءسۇتىن وڭدەيتىن كاسىپورىن اشۋدى قاراستىرىپ وتىرعاندارعا قولداۋ جاساۋعا دايىن ەكەنىن ايتتى.

«ءار وبلىستا بيە بايلاعان ادامدار بارشىلىق. بىراق ساۋمالدى وتكىزۋ پروبلەماسى بار. وندىرۋشىلەر ەۋروپاعا شىعارا الماي جاتقانىن ايتتى. سونىمەن قاتار, قىتايعا وتكىزۋگە سۇراپ جاتىر. اتاپ ايتقاندا, ءباا-گە جىبەرىپ جاتىرمىز. قىتاي باعىتىندا شەكتەۋدى الىپ تاستادىق, قازىر رەەسترگە ەنگىزۋ جۇمىستارىن اتقارىپ وتىرمىز. ەگەر سۇرانىس بولسا, زاۋىت سالۋدى جوسپارلاعان ادامدار بار», — دەدى مينيستر.