جاڭالىقتار
اسكەري بورىشىن وزگە وڭىردە وتەپ جۇرگەن ساربازدار تۋعان جەرگە كومەككە كەلدى
اسكەري بورىشىن باسقا وڭىرگە وتەۋگە كەتكەن ورالدىق ساربازدار تۋعان جەرىنە ورالدى. ولار تاسقىنان زارداپ شەككەن جەرلەستەرىنە جاردەمدەسەدى. قورعانىس ءمينيستىرىنىڭ شەشىمىمەن باتىس قازاقستان وبلىسىنا كومەككە 500 اسكەري قىزمەتشى جۇمىلدىرىلدى. اتاپ ايتقاندا, 300 دەسانتتىق شابۋلداۋشى جانە ارنايى وپەراتسيالار كۇشتەرىنەن 200 اسكەري قىزمەتشىلەر ىسكە كىرىستى. بۇل ساپتا ۇلتتىق ۇلاننىڭ ساربازدارى دا بار. راسۋل زاكيروۆ, 99250 اسكەري ءبولىمىنىڭ كومانديرى: — بۇل اسكەري قىزمەتشىلەر وتان الدىنداعى بورىشىن باسقا وڭىرلەردە وتەپ جۇرسە دە تۋعان جەرىنە دەگەن ىستىق سەزىممەن مىناۋ قيىن-قىستاۋ زاماندا ءوز حالقىنا كومەككە كەلدى. تابيعي اپاتتى جەڭۋگە, ءبىر جۇدىرىقتاي جۇمىلا كۇرەسىپ, بىرگە جەڭەتىنىمىزگە سەنەمىن. قازىرگى كەزدە جەكە قۇرام جۇمىستارىن توقتاتپاي كەزەكپەن جۇمىس اتقارىپ ءجۇر. قازاقستان ارمياسى حالىقپەن بىرگە.
