استانا: اۋەجاي قىزمەتكەرلەرى شەتەلدىك جولاۋشىنىڭ مىسىعىن جوعالتىپ الدى

 فوتو: اشىق دەرەككوز

استانادا نۇرسۇلتان نازارباەۆ حالىقارالىق اۋەجايىندا ستامبۋلدان Scat Airlines ۇشاعىمەن كەلگەن يۋكي ەسىمدى مىسىق جوعالدى, دەپ جازادى qandastar.kz

يۋكيدىڭ يەسى ەكاتەرينا بارلاس «سكات» جانۋاردى بورتقا شىعارۋعا رۇقسات بەرمەگەنىن جانە ونى باگاج بولىمىنە جاتقىزعانىن ايتتى. ناتيجەسىندە يۋكي استانا حالىقارالىق اۋەجايىندا جوعالىپ كەتتى.

«ءبىز ىستامبۇلدان استاناعا ۇشتىق. استاناعا جەتكەندە اۋەجاي قىزمەتكەرى مىسىعىمدى ارنايى كۋپەدەن شىعارعاندا مىسىق قورقىپ قاشىپ كەتكەن. ول وتباسىمىزدىڭ مۇشەسىندەي ەدى», – دەپ ءبولىستى قىز.

ەكاتەرينانىڭ ايتۋىنشا, ونىڭ جانۋارى سترەسستە ەكەنى انىق. اۋەجاي قىزمەتكەرلەرى وعان جاڭا اسىل تۇقىمدى مىسىق ساتىپ اپەرۋ ارقىلى ءوز كىناسىن تولتىرماق بولعان.

«اۋەجاي ماعان تاعى ءبىر مىسىق ساتىپ الىپ بەرۋدى ۇسىندى, مەن باس تارتتىم جانە مىسىعىمدى تاۋىپ بەرۋىن سۇرايمىن», – دەپ ءتۇسىندىردى مىسىقتىڭ يەسى.