جاڭالىقتار
«استانا بانكىنىڭ» بۇرىنعى باسشىسى سوتتالدى
فوتو:سكرينشوت ۆيدەو
استاناداعى قىلمىستىق ىستەر جونىندەگى اۋدانارالىق سوتى ولجاس توقتاروۆتى بانككە اگەنتتىك قىزمەت كورسەتكەن بولىپ كورىنىپ, قارجى جىمقىرۋ جانە بانكروت بولۋعا جاقىن كەزەڭدە الماتىداعى بيزنەس-ورتالىقتى ءوز باقىلاۋىنداعى كومپانياعا زاڭسىز اۋدارۋ دەرەكتەرى بويىنشا كىنالى دەپ تاپتى, دەپ جازادى qandastar.kz
«توقتاروۆ سىرتتاي 10 جىلعا باس بوستاندىعىنان ايىرىلدى. سونداي-اق ونىڭ جالپى قۇنى 14 ملرد تەڭگەدەن اساتىن جىلجىمايتىن م ۇلىكتەرى, اكىمشىلىك جانە وندىرىستىك نىساندارى, قۇرىلىستارى, جەر تەلىمدەرى, باعالى قاعازدارى مەن كريپتوۆاليۋتالارى تاركىلەنەتىن بولدى», – دەپ مالىمدەدى سىبايلاس جەمقورلىققا قارسى ءىس-قيمىل اگەنتتىگىنىڭ رەسمي وكىلى دانيار بيعايداروۆ.
سونىمەن بىرگە, بۇل ىسكە قاتىسى بار بانك فيليالىنىڭ, بولىمدەرىنىڭ جانە مەنەدجمەنت قۇرامىنداعى بۇرىنعى قىزمەتكەرلەرى دە كىنالى دەپ تانىلدى. الايدا ولاردىڭ بارلىعى تەرگەۋ مەن سوتتا بەلسەندى كومەكتەسكەندىكتەن, باس بوستاندىعىنان ايىرىلعان جوق. قازىرگى ۋاقىتتا توقتاروۆ حالىقارالىق ىزدەۋدە ءجۇر جانە ەكستراديتسيالانۋى ءتيىس تۇلعالاردىڭ تىزىمىنە ەنگىزىلگەن.
