استانا كۇنىندە قازاقستاندىقتار نەشە كۇن دەمالادى?

استانا كۇنى بيىل جەكسەنبى 6 شىلدەگە تۋرا كەلەدى. eGov سايتىندا كورسەتىلگەندەي, ەگەر مەملەكەتتىك مەرەكە دەمالىس كۇندەرىنە (سەنبى نەمەسە جەكسەنبىگە) تۇسسە, وندا دەمالىس كۇنى ءبىر كۇنگە ۇزارتىلادى.

وسىلايشا, دۇيسەنبى, 7 شىلدە دە دەمالىس بولادى. بۇل تەك اپتاسىنا بەس كۇن جۇمىس ىستەيتىندەرگە قاتىستى ەكەنىن ەسكەرۋ قاجەت. ال التى كۇندىك جۇمىس اپتاسىندا قازاقستاندىقتار 6 جانە 7 شىلدە كۇندەرى دەمالادى.

شىلدە ايىندا جالپى 5 كۇندىك جۇمىس اپتاسىندا قازاقستاندىقتاردى 9 دەمالىس كۇنى كۇتىپ تۇر.

ايتا كەتەيىك, «قازاقستان رەسپۋبليكاسىنداعى مەرەكەلەر تۋرالى» زاڭعا سايكەس, 6 شىلدە — استانا كۇنى مەملەكەتتىك مەرەكە بولىپ تابىلادى.

مەملەكەتتىك مەرەكەلەر قوعامدىق-ساياسي ماڭىزى بار وقيعالارعا ارنالىپ, سونداي-اق قازاقستان رەسپۋبليكاسىنىڭ ازاماتتارى تاراپىنان ءداستۇرلى تۇردە اتاپ وتىلەدى. مەملەكەتتىك مەرەكەلەردى اتاپ ءوتۋ رەسمي ءىس-شارالارمەن قاتار ءجۇرۋى مۇمكىن.

جىل باسىندا جازعانىمىزداي, 2025 جىلى قازاقستاندا 13 مەملەكەتتىك مەرەكە بولادى, ونىڭ ىشىندە جاڭا جىل, ناۋرىز, رەسپۋبليكا كۇنى جانە تاۋەلسىزدىك كۇنى بار. سونداي-اق, 2025 جىلى بىرقاتار مەرەكەلەر دەمالىس كۇندەرىنە ءتۇسىپ, قازاقستاندىقتارعا جىل بويى قوسىمشا دەمالىس كۇندەرىن الۋعا مۇمكىندىك بەرەدى.