Astana kúninde qazaqstandyqtar neshe kún demalady?

Astana kúni bıyl jeksenbi 6 shildege týra keledi. eGov saıtynda kórsetilgendeı, eger memlekettik mereke demalys kúnderine (senbi nemese jeksenbige) tússe, onda demalys kúni bir kúnge uzartylady.

Osylaısha, dúısenbi, 7 shilde de demalys bolady. Bul tek aptasyna bes kún jumys isteıtinderge qatysty ekenin eskerý qajet. Al alty kúndik jumys aptasynda qazaqstandyqtar 6 jáne 7 shilde kúnderi demalady.

Shilde aıynda jalpy 5 kúndik jumys aptasynda qazaqstandyqtardy 9 demalys kúni kútip tur.

Aıta keteıik, «Qazaqstan Respýblıkasyndaǵy merekeler týraly» zańǵa sáıkes, 6 shilde — Astana kúni memlekettik mereke bolyp tabylady.

Memlekettik merekeler qoǵamdyq-saıası mańyzy bar oqıǵalarǵa arnalyp, sondaı-aq Qazaqstan Respýblıkasynyń azamattary tarapynan dástúrli túrde atap ótiledi. Memlekettik merekelerdi atap ótý resmı is-sharalarmen qatar júrýi múmkin.

Jyl basynda jazǵanymyzdaı, 2025 jyly Qazaqstanda 13 memlekettik mereke bolady, onyń ishinde Jańa jyl, Naýryz, Respýblıka kúni jáne Táýelsizdik kúni bar. Sondaı-aq, 2025 jyly birqatar merekeler demalys kúnderine túsip, qazaqstandyqtarǵa jyl boıy qosymsha demalys kúnderin alýǵa múmkindik beredi.