جاڭالىقتار
Astana LRT ديرەكتورى اردانوۆ پەن «استانا بانكنىڭ» اكتسيونەرى توقتاروۆ تەرگەۋگە سول كۇيى كەلمەگەن – انتيكور
فوتو: اشىق دەرەككوز
سىبايلاس جەمقورلىققا قارسى ءىس-قيمىل اگەنتتىگىنىڭ رەسمي وكىلى دانيار بيگايداروۆ ءباسپاسوز ءماسليحاتى كەزىندە Astana LRT باسشىسى مەن “استانا بانكىنىڭ” اكتسيونەرىنە قاتىستى تەرگەۋدىڭ اياقتالعانىن مالىمدەدى. بۇل تۋرالى qandastar.kz Stan.kz اقپارات اگەنتتىگىنە سىلتەمە جاساپ حابارلايدى.
انتيكوردىڭ مالىمەتىنە سايكەس قوس كۇدىكتى قىلمىستىق ءىستى تەرگەتس اياسىندا جاۋاپ الۋعا شاقىرىلعان. الايدا ولار كەلمەگەن دەيدى.
“Astana LRT باسشىسى تالعات اردان مەن “استانا بانكىنىڭ” اكتسيونەرى ولجاس توقتاروۆتىڭ شەتەلدە بولۋىنا بايلانىستى قىلمىستىق ءىس جۇرگىزۋ كودەكسىنىڭ 208-كودەكستىڭ 1-بولىگىنە سايكەس جاۋاپ الۋعا شاقىردى. الايدا ولاردىڭ جاۋاپقا الۋعا كەلمەۋىنە بايلانىستى قىلمىستىق ءىستى تەرگەۋ اياقتالدى”, – دەيدى ول.
اردان مەن توقتاروۆتىڭ زاڭعا قايشى ارەكەتتەرى جينالعان دالەلدەر اياسىندا تولىعىمەن دالەلدەنگەن ەكەن.
“قىلمىستىق ءىستى تەرگەۋ اياقتالىپ, 19 قىركۇيەكتە سوتقا جىبەرىلگەن. قازىر ءىس ماتەريالدارىمەن تانىسۋ ءجۇرىپ جاتىر”, – دەيدى انتيكور وكىلى.
