Astana turǵyny bir túnde eki avtokólikti tonaǵan

Astanada bir túnde úsh qylmys jasaǵan kúdikti ustaldy, dep habarlaıdy Qandastar.kz

Polıeıler bir túnde bir avtokólikti aıdap ketip, eki kóliktiń salonynan urlyq jasaǵan 32 jastaǵy er azamatty izin sýytpaı ustady.

Mas kúıdegi kúdikti áýeli Muhtar Áýezov kóshesinde Lada avtokóligin aıdap ketken. Keıin ol jaqyn mańdaǵy turaqta turǵan KamAZ júk kóliginiń terezesin syndyryp, ishinen magnıtola men ıesiniń jeke zattaryn qoldy etken. Keltirilgen materıaldyq shyǵyn shamamen 200 myń teńgeni qurady.

Budan soń kúdikti Dúkenuly kóshesinde turǵan Skoda Octavia avtokóliginiń áınegin syndyryp, salonynan 500 AQSh dollaryn urlap ketken.

Tekserý barysynda onyń buǵan deıin de osyǵan uqsas qylmystar úshin jaýapkershilikke tartylǵany belgili boldy.

Qazirgi tańda kúdikti ýaqytsha ustaý ızolıatoryna qamaýǵa alynyp, tergeý amaldary júrgizilýde.

Polıııa kólik ıelerine baǵaly zattardy salonda qaldyrmaýdy, dabylqaqqysh pen qosymsha qulyptaý qurylǵylaryn qoldanýdy, sondaı-aq kólikterdi múmkindiginshe kúzetiletin turaqtarǵa qoıýdy eskertedi.