جاڭالىقتار
استانادا 5 قۇرىلىس كومپانياسى ليتسەنزياسىنان ايىرىلدى
فوتو: اشىق دەرەككوزدەن
قر اكىمشىلىك قۇقىق بۇزۋشىلىق تۋرالى كودەكسىنىڭ 312-بابى 2-بولىگى بويىنشا استانا قالاسىنىڭ اكىمشىلىك قۇقىق بۇزۋشىلىق جونىندەگى مامانداندىرىلعان اۋدانارالىق سوتىنىڭ قاۋلىسىمەن ساپاسىز قۇرىلىس-مونتاج جۇمىستارىن ورىنداعانى ءۇشىن 5 كومپانيا قۇرىلىس ليتسەنزيالارىنان ايىرىلدى, دەپ حابارلايدى Ulysmedia.kz.
ولار:
1. «پروم ستروي گارانت كز» جشس. عيماراتتار مەن قۇرىلىستاردىڭ, ونىڭ ىشىندە كوپىرلەردىڭ, كولىك ەستاكادالارىنىڭ, توننەلدەر مەن جول وتپەلەرىنىڭ, نىسانداردى كۇردەلى جوندەۋدى جانە رەكونسترۋكتسيالاۋدى قامتيتىن وزگە دە جاساندى قۇرىلىستاردىڭ تىرەك جانە قورشاۋ كونسترۋكتسيالارىن سالۋ بويىنشا قۇرىلىس-مونتاجداۋ جۇمىستارىنا قاتىسۋعا II ساناتتاعى ليتسەنزيادان ايىرىلدى.
2. «Granite» جشس. عيماراتتار مەن قۇرىلىستاردىڭ تىرەك جانە قورشاۋ كونسترۋكتسيالارىن كۇردەلى جوندەۋ مەن رەكونسترۋكتسيالاۋدى, تۇرعىزۋدى, توپىراقتاعى ارنايى جۇمىستاردى قامتيتىن ينجەنەرلىك جەلىلەر مەن جۇيەلەردىڭ كىشى تۇرلەرى بويىنشا قۇرىلىس-مونتاجداۋ جۇمىستارىنا قاتىسۋعا ءىى ساناتتاعى ليتسەنزيادان ايىرىلدى.
3. «عيماراتتار مەن قۇرىلىستار قۇرىلىسى» جشس. قۇرىلىس-مونتاجداۋ جۇمىستارىنا ليتسەنزيادان ايىرىلدى.
4. «Sheberbuild» جشس. قۇرىلىس-مونتاجداۋ جۇمىستارىمەن اينالىسۋعا 2023 جىلعى 18 قازانداعى №23022845 ليتسەنزياسىنان ايىرىلدى.
5. «استانا-كوكتەم س» جشس. 2022 جىلعى 25 قاراشاداعى №0000360 عيماراتتار مەن قۇرىلىستاردىڭ, ونىڭ ىشىندە كوپىرلەردىڭ, كولىك ەستاكادالارىنىڭ, توننەلدەر مەن جول وتپەلەرىنىڭ, نىسانداردى كۇردەلى جوندەۋ مەن رەكونسترۋكتسيالاۋدى, ونىڭ ىشىندە شاتىر جابىندارىن قوسا العاندا, تىرەك جانە قورشاۋ كونسترۋكتسيالارىن تۇرعىزۋدىڭ, ءمونوليتتى ورناتۋ, سونداي-اق قۇراما بەتون جانە تەمىربەتون كونسترۋكتسيالارىن مونتاجداۋ, قابىرعالار مەن بولىمدەردىڭ دانا ەلەمەنتتەرىن قالاۋ جانە ويىقتاردى تولتىرۋ, توپىراقتاعى ارنايى جۇمىستار, ونىڭ ىشىندە نەگىزدەردى سالۋ بويىنشا قۇرىلىس-مونتاجداۋ جۇمىستارىنا قاتىسۋعا ليتسەنزياسىنان ايىرىلدى.
ايتا كەتەرلىگى, 2024 جىلى جۇرگىزىلگەن جوسپاردان تىس تەكسەرۋ بارىسىندا «استانا قالاسىنىڭ قالالىق ورتا ساپاسى جانە باقىلاۋ باسقارماسى» مم اتالعان كومپانيالار تاراپىنان 426 زاڭ بۇزۋشىلىقتى انىقتاپ, ونى جويۋعا 192 ۇيعارىم بەرگەن.
