Astanada 6 jastaǵy qyz átkenshekten qulap, jaǵyn syndyryp alǵan

Astanada 6 jasar Medına aýladaǵy átkenshekten ońbaı qulap, tósek tartyp qaldy, dep habarlaıdy Qandastar.kz saıty “Informbıýroǵa”  silteme jasap.

Oqıǵa 4 tamyz kúni elordadaǵy turǵyn úılerdiń biriniń aýlasynda boldy. Átkenshekte terbelip otyrǵan Medına abaısyzda ushyp ketip, qatty ekpinmen jerge qulady.

“Qazir Medınanyń jaǵdaıy onsha emes. Basy synǵan, mańdaıynan artyna deıin synǵan. Jaǵy synǵan, tisi synǵan. Ústińgi tisteri bosap ketken. Ústińgi erni jyrtylyp, ony endi tiktirdi. Qazir tamaq ishe almaıdy. Tańnan keshke deıin dári alyp jatyr”, – deıdi qyzdyń anasy Aqtolqyn Qasymova.

Onyń aıtýynsha, qatty zardap shekken qyzy qazir nár tatpaıdy, tamaq ishýden qaldy. Medınamen birge aýrýhanada ákesi de jatyr. Alaıda bul — aqyly palata. Aqtolqyn Qasymovanyń aıtýynsha, mundaı shyǵyndy otbasynyń qaltasy kótermeıdi. О́zi dekrettik demalysta, al úıdiń jalǵyz asyraýshysy – jubaıy.

Sondaı-aq Aqtolqyn Qasymova mundaı jaǵdaıdyń birinshi ret emes ekenin atap ótti. Sózinshe, dál osy átkenshekten buǵan deıin de birneshe bala qulap, túrli jaraqat alǵan. О́ıtkeni átkenshek tym eski, ol azdaı ortasynan mort synǵan. Alaıda ata-analar dabyl qaqqanymen, jaýapty mekemeler eshqandaı shara qabyldamady dep otyr.

“Átkenshekter men syrǵanaqtardyń bári synyp tur. Balanyń qaýipsizdigi úshin tóseletin jumsaq jabyndylar da joq. Eshteńe qarastyrylmaǵan. Páter ıeleriniń kooperatıvinen eshteńe joq. Múlik ıeleriniń birlestigi muldem jumys istemeıdi”, – deıdi turǵyndardyń biri Gúldana Janǵarasheva.