استانادا اۋماقتىق قورعانىس بريگاداسىنىڭ وقۋ-جاتتىعۋ جيىندارى ءوتتى

بۇل شاراعا وتان الدىنداعى بورىشىن وتەپ, زاپاسقا شىققان 100-گە جۋىق ادام شاقىرتىلدى.

ولار 10 كۇن بويى اسكەري داعدىلاردى قايتا وقىپ, قالا اۋماعىنداعى ماڭىزدى دەگەن ستراتەگيالىق نىسانداردى قورعاۋ ىستەرىن پىسىقتادى. ريات شوني, ءتىلشى: — مەنىڭ تۋ سىرتىمداعى عيمارات – ول ەلىمىزدىڭ اسكەرىنە ماڭىزدى دەگەن كوزدەۋىش وپتيكالار شىعارادى. ال ونىڭ ارعى بەتىندە استانا سۋ ارناسى ورنالاسقان.

ءدال قازىر ماڭىزدى ەكى ستراتەگيالىق نىسانعا لاڭكەستەر لاپ بەرىپ, شابۋىلداپ جاتىر. ال ولارعا استانا قالاسىنىڭ اۋماقتىق قورعانىس بريگاداسى توتەپ بەرۋدە. قازىر اتىس ءجۇرىپ جاتىر. بۇل اۋماقتىق قورعانىس بريگاداسىنىڭ 10 كۇندىك جيىنىنىڭ قورىتىندىسى. وقۋ-جاتتىعۋ بارىسىندا قالاداعى ستراتەگيالىق ماڭىزدى نىساندارعا جاسالعان شابۋىلدىڭ بەتىن قايتارىپ, قارۋلانعان توپقا تويتارىس بەرۋ شاراسى پىسىقتالدى. رۋفات ءتالىپوۆ, ۆزۆود كومانديرى: — مەنىڭ ويىمشا وسىنداي شارالاردى كوبىرەك جاساپ, حالىقتى دايىنداۋ كەرەك. ەندى اللا ساقتاسىن. ونداي نارسە بولماسىن. بىراق كەز كەلگەن جاعدايعا دايىن بولۋىمىز كەرەك.

مەنىڭ ويىمشا, قازاقستاندا تۇراتىن ازاماتتار وسىلاي كەلىپ, ءوز مىندەتىن اتقارۋ كەرەك. تاكتيكالىق وقۋ-جاتتىعۋ بارىسىندا لاڭكەستەر بريگاداعا ەكى جاقتان تۇتقيىلدان شابۋىل جاسادى. العاشقى سوققىنى قابىلداعان بلوك بەكەتتەگى ەكى سارباز جارىلىس سالدارىنان بىردەن قازا تاپتى. وزگە توپ نەگىزگى كۇش كومەككە كەلگەنشە دەيىن قارۋلانعان لاڭكەستەرمەن اتىس جۇرگىزدى. دۇرىس تاڭدالعان تاكتيكانىڭ ارقاسىندا تەرروريستەر ارام ويلارىن جۇزەگە اسىرا المادى.

ال جىلدام قيمىلدايتىن ارنايى جاساق جىگىتتەرى ءتىرى قالعان لاڭكەستەردىڭ قولىنا كىسەن سالىپ, تەرگەۋگە الىپ كەتتى. استانا قالاسىندا اۋماقتىق قورعانىس بريگاداسىنىڭ جيىنى ءساۋىردىڭ 15-ءى كۇنى باستالعان. وتان الدىنداعى بورىشىن وتەپ كەتكەندەر قايتا شاقىرتىلىپ, 10 كۇن ىشىندە اسكەري داعدىلاردى قايتا مەڭگەردى. ءالىبي توقتاسىنوۆ, كىشى سەرجانت: — 10 كۇندىك جيىن جاقسى نەگىزى. ەسكە الىپ بۇرىنعى ارميانى. ۇمىتىپ قالعان تۇستار جوق. بىراق كەيبىرىن ەسكە تۇسىرۋگە بولادى. 10 كۇندىك ءتارتىپ سول ارمياداعىداي بولدى عوي. ءبارى سونداي. ەش ايىرماشىلى جوق. كەشكە وتبوي, تاڭەرتەڭ پودەم دەگەندەي. استانا قالاسىنىڭ اۋماقتىق قورعانىس بريگاداسىنىڭ 10 كۇندىك جيىنىنا 100-گە جۋىق ادام شاقىرىلعان.

ونىڭ 20-سى وفيتسەر شەنىندەگىلەر. ياعني, زاپاستاعى لەيتەنانتتار ەكەن. ومار ورىنباەۆ, استانا قالاسى اۋماقتىق قورعانىس بريگاداسىنىڭ كومانديرى: — نەگىزى اۋماقتىق قورعانىس بريگاداسى وىنڭ مىندەتتەرى وسى استانا قالاسىنىڭ اۋماعىن قورعاۋ جانە ونىڭ ىشىندەگى اسا ماڭىزدى وبەكتىلەردى سوعىس جانە توتەنشە جاعداي بولعان كەزدە قورعاۋعا الۋ. زاڭعا سايكەس ءبىز 10 كۇن ىشىندە اسكەري جيىنعا شاقىرعان كەزدە جۇمىس ورنى ساقتالادى. سونىمەن قاتار بۇلارعا ورتاشا ايلىق تولەنەدى جۇمىس ىستەيتىندەرگە. جالپى ايتا كەتۋ كەرەك, اۋماقتىق قورعانىس بريگاداسىنىڭ جيىندارىن بيىل 2 رەت وتكىزۋ جوسپارلانعان. ەندى كەلەسىسى تامىز ايىندا ۇيىمداستىرىلاتىن بولادى.