«جاڭا ادامدار» قوزعالىسى 7 مىڭ جاستىڭ باسىن بىرىكتىرىپ, تاجىريبە ارتتىرۋىنا مۇمكىندىك سىيلادى

13 شىلدەدە استانادا  «جاڭا ادامدار» جاستار قوزعالىسىنىڭ ۇيىمداستىرۋىمەن» ءبىرىنشى جاستار كونۆەنتى ءوتتى. «قازاقستان – بار عۇمىرىم!» دەگەن اتاۋىمەن ەرەكشەلەنگەن شارانىڭ وزىندىك اتموسفەراسى بولەك بولدى. 

كونكۋرستىق ىرىكتەۋ ناتيجەلەرى بويىنشا ۇمىتكەرلەردىڭ جارتىسى عانا كونۆەنتكە بيلەت العانىن ايتۋ قاجەت. ناتيجەسىندە  ەلىمىزدىڭ 20 وڭىرىنەن كەلگەن 7 مىڭنان استام قاتىسۋشى ءبىر-بىرىمەن تاجىريبە الماسۋعا مۇمكىندىك الدى. 

كونۆەنتتىڭ باستى فيشكاسى – مۇندا ءموبيلدى قوسىمشا جانە كونۆەنتتىڭ ارنايى ىشكى ۆاليۋتاسى – DOS_coin ۇسىنىلدى. الىنعان مونەتالاردى كونۆەنت تاۋارلارىنا, ساراپشىلاردىڭ جەكە شەبەرلىك ساباقتارىنا, تانىمال قازاقستاندىق برەندتەردىڭ كيىمدەرىنە جانە باسقا دا باعالى سىيلىقتارعا ايىرباستاۋعا جاعداي جاسالدى.

كونۆەنت الاڭىندا «زناكومات» چەللەندجدەرى دە ءوتتى. «اكتسيونيستتەر جارىسى» دا اسەرلى ۇيىمداستىرىلدى.

 «جاڭا ادامداردىڭ» 12 بىرەگەي ازاماتتىق ناۋقانى ماقساتتى گرانت جاريالاۋىمەن وزگەشە. جارىسقا قاتىسۋشىلاردىڭ اراسىندا زاڭسىز قوقىس الاڭدارىمەن, بۇزاقىلىقپەن, دۇكەندەردە مەرزىمى وتكەن تاۋارداردى ساتۋمەن, ايەلدەرگە كورسەتىلەتىن زورلىق-زومبىلىقپەن, قۇمار ويىندارعا تاۋەلدىلىكپەن, كامەلەتكە تولماعاندارعا ىشىمدىك ساتۋمەن جانە ت.ب. كۇرەسەتىن ازاماتتىق ناۋقاندار بار.

كونۆەنتتە سپيكەرلەر دە ءبىلىم-بىلىگىمەن العا شىقتى. قاتىسۋشىلار وزىنە جاقىن دۇنيەنى تابا الدى: ءبىلىم ايماعى, تيكتوك ايماعى, ۇزدىكتەر, تاماقتانۋ, بي, streetart, مۋزىكا, گيك مادەنيەتى جانە ستيل ايماقتارى. سپورتسۇيەر قاۋىمعا فۋتبول, كۇرەس, streetball, skateboarding/bmx جانە workout ايماقتارى قىزىق بولدى. 

كونۆەنت سوڭىندا Ninety One, Dequine, Aikyn, BONAPART  ونەر كورسەتكەن گالا-كونتسەرت كوپشىلىكتى ءتانتى ەتتى. 

بۇل ماڭىزدى شارانى ءداستۇرلى تۇردە وتكىزۋ – قاتىسۋشىلاردىڭ باستى ۇسىنىسى.