«Jańa adamdar» qozǵalysy 7 myń jastyń basyn biriktirip, tájirıbe arttyrýyna múmkindik syılady

13 shildede Astanada  «Jańa adamdar» jastar qozǵalysynyń uıymdastyrýymen» Birinshi jastar Konventi ótti. «Qazaqstan – bar ǵumyrym!» degen ataýymen erekshelengen sharanyń ózindik atmosferasy bólek boldy. 

Konkýrstyq irikteý nátıjeleri boıynsha úmitkerlerdiń jartysy ǵana Konventke bılet alǵanyn aıtý qajet. Nátıjesinde  elimizdiń 20 óńirinen kelgen 7 myńnan astam qatysýshy bir-birimen tájirıbe almasýǵa múmkindik aldy. 

Konventtiń basty fıshkasy – munda mobıldi qosymsha jáne Konventtiń arnaıy ishki valıýtasy – DOS_coin usynyldy. Alynǵan monetalardy konvent taýarlaryna, sarapshylardyń jeke sheberlik sabaqtaryna, tanymal qazaqstandyq brendterdiń kıimderine jáne basqa da baǵaly syılyqtarǵa aıyrbastaýǵa jaǵdaı jasaldy.

Konvent alańynda «ZNAKOMAT» chellendjderi de ótti. «Akıonıstter jarysy» da áserli uıymdastyryldy.

 «Jańa Adamdardyń» 12 biregeı azamattyq naýqany maqsatty grant jarııalaýymen ózgeshe. Jarysqa qatysýshylardyń arasynda zańsyz qoqys alańdarymen, buzaqylyqpen, dúkenderde merzimi ótken taýardardy satýmen, áıelderge kórsetiletin zorlyq-zombylyqpen, qumar oıyndarǵa táýeldilikpen, kámeletke tolmaǵandarǵa ishimdik satýmen jáne t.b. kúresetin azamattyq naýqandar bar.

Konventte spıkerler de bilim-biligimen alǵa shyqty. Qatysýshylar ózine jaqyn dúnıeni taba aldy: bilim aımaǵy, TıkTok aımaǵy, úzdikter, tamaqtaný, bı, streetart, mýzyka, gık mádenıeti jáne stıl aımaqtary. Sportsúıer qaýymǵa fýtbol, kúres, streetball, skateboarding/bmx jáne workout aımaqtary qyzyq boldy. 

Konvent sońynda Ninety One, Dequine, Aikyn, BONAPART  óner kórsetken gala-konert kópshilikti tánti etti. 

Bul mańyzdy sharany dástúrli túrde ótkizý – qatysýshylardyń basty usynysy.