Astanada Darıǵa Nazarbaevanyń rezıdenııasy nege buzylyp jatyr?

Foto: Samat Ysqaqov

Aıtylyp otyrǵan jer Esildiń oń jaǵalaýyndaǵy Atatúrik saıabaǵy men Aq bulaq ózeniniń aralyǵynda ornalasqan. Aýmaǵy 15 myń sharshy metrdi quraǵan Darıǵa Nazarbaevanyń rezıdenııasy eki ózenniń túıisken jerinde. Búkil keshenniń aýdany bir kezderi Ishki ister mınıstrliginiń shıpajaıyna tıesili kórshiles jermenmen birge 300 sotyqty quraǵan, dep habarlaıdy qandastar.kz. Osy jyldyń jazyna deıin búkil aýmaqqa Nazarbaeva quryltaıshylyq etti.

Bul múlik 2000 jyly jeltoqsanda qurylǵan «Tranaction» jeke serikteske tirkelgen. Nazarbaevtyń úlken qyzy az ǵana ýaqyt tikeleı ıelik etti. Odan keıin aktıvtiń egesi týraly aqparat qupııada boldy.

Buǵan deıin kompanııa Nazarbaevaǵa baılanysy bar adamdardarǵa tıesili boldy. Menshik ıeleriniń qujat júzinde aýysqanyna qaramastan, sońǵy 10 jylda kompanııany Arman Naýryzbaev úzdiksiz basqardy.
Degenmen bıyl jazda Naýryzbaevtyń ornyna buǵan deıin kvazımemlekettik «Qazaqstan turǵyn úı kompanııasynda» basshylyq qyzmette bolǵan Jańyl Saıaqova keldi.

«Tranaction» kompanııasy aǵymdaǵy jyldyń 9-qazanynda qaıta tirkelgen. Bul kezde kompanııa meken-jaıy men basshysy da ózgergen. Jańyl Saıaqova «Tranaction» kompanııasymen qatar ol Nurlan Artyqbaevtyń Qazaq Kalium kompanııasyn basqaryp keledi.

Spýtnıkten túsirilgen sýretterge qaraǵanda, qazir Nazarbaevanyń burynǵy rezıdenııasy aýmaǵynda qarqyndy qurylys jumystary júrip jatyr.

Bul aktıvtiń qunyn tek shamamen baǵalaýǵa bolady. Jaqyn jerde dál ózen jaǵalaýynda satylatyn mundaı ýchaskeler joq. Osy mańda úsh ese az jer telimderi 2 mıllıard teńgege baǵalanǵan. Iaǵnı ǵımarattardy esepke ala otyryp, Darıǵanyń aktıvin tómengi shek boıynsha 7-8 mıllıard teńgege baǵalaýǵa bolady.

Bloger Samat Ysqaqov bıyl jazda Astanadaǵy «Dýman» qonaqúı kesheni de satylymǵa shyǵarylǵanyn jazdy. Buǵan deıin ol da Darıǵa Nazarbaeva men onyń «jubaıy» delinetin Qaırat Sháripbaevqa tıesili bolǵan.