Astanada dırektordyń úıin salǵan er adam tórt jyl boıy ulttyq kompanııadan jalaqy alyp kelgen

Foto: pixabay.com

Astanada dırektordyń úıin salǵan er adam tórt jyl boıy ulttyq kompanııadan jalaqy alyp kelgen. Bul týraly qandastar.kz Stan.kzaqparat agenttigi habarlaıdy.

Astanada ulttyq kompanııa fılıalynyń dırektoryna qatysty úkim shyqty. Ol uıym úshin aýyr zardaptarǵa ákep soqtyrǵan qyzmettik ókilettigin asyra paıdalanǵany úshin kináli dep tanyldy.

Ulttyq kompanııa fılıalynyń dırektory A esimdi azamat óziniń dosyn qaǵaz júzinde ınjener retinde tirkep qoıǵan. Sáıkesinshe kompanııadaǵy jumystyń ornyna ol  A-nyń nusqaýymen 2019 jyldyń qarashasynan 2023 jyldyń shildesine deıin óz saıajaıynyń qurylysyna tartylǵan. Bul rette ol ulttyq kompanııadan tórt jyl boıy eńbekaqy alǵan.

«Jaýapkerdiń zańsyz áreketteriniń saldarynan akıonerlik qoǵamǵa eńbekaqy jáne jumysqa baılanysty basqa da tólemder túrindegi 21 066 027 teńge kóleminde asa iri kólemde zalal keltirilgen», – delingen sot habarlamasynda.

Sottalýshy óz kinásin moıyndamaı, qylmystyq quqyq buzýshylyq quramynyń joqtyǵyna baılanysty aqtaýdy surady. Alaıda onyń kinási kýágerlerdiń kórsetýlerimen, bank aýdarymdary týraly anyqtamalarmen, saraptama qorytyndysymen, tekserý aktisimen, sondaı-aq jasyryn tergeý áreketteriniń nátıjelerimen dáleldendi.

Sot jaza taǵaıyndaý kezinde eki jas balasynyń bolýyn jeńildetetin mán-jaı retinde eskerdi.

Nátıjesinde sot fılıaldyń burynǵy dırektoryn memlekettik qyzmette jáne kvazımemlekettik sektorda laýazymdardy atqarý quqyǵynan ómir boıyna aıyra otyryp, 4 jyl 8 aıǵa bas bostandyǵynan aıyrdy. Úkim zańdy kúshine engen joq.

Eske salsaq, osyǵan deıin Aqtóbe oblysynda balabaqshalarda basshylyq bıýdjet qarajatynan 240 mıllıon teńgeden astam aqsha jymqyrǵanyn jazǵanbyz.