استانادا قايىرىمدىلىق كەرۋەنى اكتسياسى ۇيىمداستىرىلدى

استاناداعى ءدىن ىستەرى جونىندەگى باسقارما وكىلدەرى مەن قالا تۇرعىندارى كەزەكتى رەت قايىرىمدىلىق كەرۋەنى اكتسياسىن ۇيىمداستىردى.

بۇل جولى باتىستاعى اعايىنعا جىلۋ جيناپ بەردى. وندا ۇزاق ساقتالاتىن ازىق-ت ۇلىكتەن باستاپ, كيىم-كەشەككە دەيىن بار. باسقا تۇسكەن قيىندىق بارشامىزعا ورتاق, – دەيدى قايىرىمدى جاندار. ەربولات ءجۇسىپوۆ, ازىرەت سۇلتان مەشىتىنىڭ باس يمامى: — ءبىز كەشە قوستاناي وڭىرىنە, ناقتىراق ايتقاندا, ارقالىق وڭىرىنە ۇلكەن ماشينالارىمىزدى جىبەردىك.

قوستاناي وڭىرىنە ماشينا جىبەرگەننەن كەيىن حالىقتان, جاماعاتتان ۇسىنىس ءتۇستى اقتوبە وڭىرىنە جىبەرەيىك دەپ. دەر كەزىندە 2 ماشينا تابىلا قالدى.

بۇگىن شىعىپ كەتۋ كەرەك. جوسپارىمىز – كەشكە دەيىن ماشينا جولعا شىعىپ, كەرەك-جاراقتى حالىققا جەتكىزۋ. ءمادينا ساپيەۆا, قالا تۇرعىنى: — ۇيدە وتىرا الماي, ەستىپ وتىرعاننان كەيىن كەلىپ, قولىمىزدان كەلگەنشە تيىن-تەبەن, زاتتارىمىزدى بەرىپ جاتىرمىز. لەك-لەگىمەن كەلىپ جاتقان جاستار, جۇدىرىقتاي قىز بالالار, ستۋدەنتتەر كەلگەندە جىلاپ جىبەردىم. اپا مىنا تاماعىمىزدى وتكىزەيىك دەپ ەدىك, ستيپەنديامىزدان الىپ كەلدىك دەگەندە.