جاڭالىقتار
استانادا قازاقى ناقىشتاعى كيىمنىڭ ءسان شەرۋى ءوتتى
قازاقى ناقىشتاعى كيىم تۇرلەرىن حالىقارالىق ارەناعا شىعارۋدى ماقسات ەتكەن شىعارماشىلىق توپ العاشقى ءسان شەرۋىن ەلوردادان باستادى. يگى باستاماعا شاپان مەن كيمەشەكتى ۇستىنەن تاستامايتىن اجەلەر مۇرىندىق بولدى. كونە كوز قاريالار ۇلتتىڭ ءبىتىم-بولمىسىن سىرتقى كيىم ارقىلى الەمگە تانىتپاق.
ۇلتتىق قۇندىلىقتى ناسيحاتتاۋ جۇمىسى الماتىدا جالعاسادى. اجەلەر مۇنىمەن شەكتەلمەي الەمدى ارالاۋدى جوسپارلاپ وتىر. بايان سابيتقىزى, قالا تۇرعىنى: — ءبىز قازاقستاننىڭ ون جەتى وبلىسىن ارالايمىز اللا جازسا. سودان سوڭ فرانتسيا, يتاليا مەملەكەتتەرىن ارالايمىز دەگەن ويىمىز بار. راۋشان انۋاربەكوۆا, ديزاينەر: — نەگىزى قازاق اجەلەر شەرۋى.
ءبىزدىڭ توبىمىزدا ءارتۇرلى ۇلتتار بولعاندىقتان الەمدى تاڭ قالدىرعان اجەلەر دەپ اتادىق. سەبەبى ءبىزدىڭ باسقا دا مەملەكەتتەردە اجەلەرىمىز بار. قازاق اجەلەرىمىز بار. نيۋ-يوركتا بار, شۆەتساريادا بار, ميلاندا بار, الەمنىڭ تۇكپىر-تۇكپىرىندە بار. بۇگىنگى تاڭدا رەسەيدەن اجەمىز كەلدى.
