جاڭالىقتار
استانادا كۇيەۋى ايەلىن تەمىرمەن ۇرىپ, ءوزى كوپ قاباتتى ۇيدەن سەكىرىپ كەتكەن
فوتو: اشىق دەرەككوز
قايعىلى وقيعا 1 قازان كۇنى قوسشىعۇل ۇلى كوشەسىندە بولعان, دەپ حابارلايدى qandastar.kz turkystan.kz-كە سىلتەمە جاساپ.
«1 قازان كۇنى كەشكى ساعات 23:36-دا پوليتسياعا كوشەدە ەر ادامنىڭ جاتقانى تۋرالى حابار ءتۇستى. پوليتسيا قىزمەتكەرلەرى ەرلى-زايىپتىلار اراسىندا جانجال بولعانىن, كۇيەۋىنىڭ ايەلىن ۇرىپ, ءوزى 10 قاباتتى ۇيدەن سەكىرىپ كەتكەنىن انىقتادى», – دەلىنگەن استانا پوليتسيا دەپارتامەنتىنىڭ حابارلاماسىندا.
ول ايەلىن ماشينا جوندەيتىن تەمىر كىلتپەن ۇرعان. ايەل جەدەل اۋرۋحاناعا جەتكىزىلگەن. اتالعان فاكتى بويىنشا قىلمىستىق ءىس قوزعالىپ, تەرگەۋ جۇرگىزىلىپ جاتىر.
