Astanada lıftte jasóspirimnen japa shekken 5 jasar balanyń beti jansyzdanyp qaldy

Foto: Vıdeodan skrın

Astanadaǵy turǵyn úı lıftinde jasóspirim betin pyshaqpen tilgen 5 jasar balanyń anasy ulyna shuǵyl kómek kerek ekenin aıtty. Bala shetelde jasalatyn emge muqtaj, dep jazdy qandastar.kz

Bul týraly Stan.kz aqparat agenttigi habarlaıdy.

“Balanyń bet júıkesi zaqymdanǵan… Sol jaq beti jansyzdanyp qaldy”, – dep jazdy balanyń anasy.

Eske salsaq, 2025 jyldyń aqpan aıynda Astanadaǵy turǵyn úı keshenderiniń biriniń lıftinde 14 jastaǵy jasóspirim 5 jasar balanyń betin pyshaqpen tilgilep tastaǵany týraly jazǵan edik.

Astana qalasynyń kámeletke tolmaǵandardyń isteri jónindegi mamandandyrylǵan aýdanaralyq soty aıyptalýshy K-nyń II toptaǵy múgedek ekenin, psıhonevrologııalyq dıspanserde esepte turǵanyny qaramastan, 2025 jylǵy 11 aqpanda turǵyn úı kesheniniń lıftinde bolǵan kezde kámeletke tolmaǵan E-niń denesine zaqym keltirip, onyń betine pyshaqpen jaraqat salǵanyn anyqtady.

Sot qaýlysyna sáıkes, K-ǵa Talǵar aýdany Aqtas aýylyndaǵy qarqyndy baqylanatyn mamandandyrylǵan úlgidegi mekemede staıonarlyq májbúrlep emdeý taǵaıyndaldy.