استانادا LRT دەپونىڭ قۇرىلىسى جالعاسىپ جاتىر

استانا قالاسىندا LRT دەپوسىنىڭ كەشەندى ورتالىعىنىڭ نىساندارى مەن عيماراتتارىنىڭ قۇرىلىسى جالعاسىپ جاتىر. بۇل تۋرالى CTS كولىك كومپانياسى ءمالىم ەتتى, دەپ حابارلايدى qandastar.kz

دەپو — جىلجىمالى قۇرامدى سەنىمدى پايدالانۋدى, تەحنيكالىق قىزمەت كورسەتۋدى جانە ساقتاۋدى قامتاماسىز ەتەتىن كولىك ينفراقۇرىلىمىنىڭ نەگىزگى بۋىنى. بۇگىندە نىساننىڭ دايىندىعى 50% قۇرايدى.

كەشەندى ورتالىققا باسقارۋ ورتالىعى, پايدالانۋ دەپوسى, جوندەۋ دەپوسى, لوكوموتيۆ دەپوسى سياقتى بىرنەشە نەگىزگى نىساندار كىرەدى.

— دەپونىڭ كەشەندى ورتالىعىن قۇرۋ LRT تەحنيكاسىن پايدالانۋعا, جوندەۋگە جانە قىزمەت كورسەتۋگە بايلانىستى بارلىق پروتسەستەردى ورتالىقتان باسقارۋعا مۇمكىندىك بەرەدى. قازىرگى كەزەڭدە پايدالانۋ جانە لوكوموتيۆ دەپوسىنداعى نەگىزگى تەمىربەتون جانە مەتالل كونسترۋكتسيالىق جۇمىستار اياقتالدى. ىشكى بولىمدەردى مونتاجداۋ جۇمىستارى جۇرگىزىلىپ جاتىر, — دەلىنگەن حابارلامادا.

كەشەندى ورتالىقتى ىسكە قوسۋ بارلىق 18 ستانتسيانىڭ جانە تۇتاستاي العاندا بۇكىل جەلىنىڭ تۇراقتى جۇمىس ىستەۋى ءۇشىن قاجەتتى پويىزداردىڭ قوزعالىسىن جانە بارلىق LRT ينفراقۇرىلىمىنىڭ جاي-كۇيىن تاۋلىك بويى باقىلاۋدى قامتاماسىز ەتەدى.

جۇمىستار بەكىتىلگەن كەستەگە سايكەس جۇرگىزىلىپ جاتىر.